काठमाडौं । काठमाडौं महानगरपालिकाले व्युटिपार्लर र शैलुन व्यवसायमा व्यवसाय कर नलिने घोषणा गरेको छ ।
महानगरका अनुसार विभिन्न आठ प्रकृतिका सेवाहरु निःशुल्क उपलब्ध गराउने आर्थिक विधेयकमा उल्लेख गरिएको छ । जसमा शैलुन, व्युटिपार्लर लगायत रहेका छन् । यस्तै बहाल करमा १० प्रतिशत वा २५ हजार रुपैयाँसम्म छुट दिने भएको छ ।
कोभिड–१९ को प्रभावले परेको असरलाई मध्यनजर गरी घर धनीले बुझाउने बार्षिक बहाल कर रकमको १० प्रतिशत वा २५ हजार हजार रुपैयाँ मध्ये जुन रकम कम हुन्छ त्यती छुट दिने भएको छ ।
बहाल करमा छुट प्राप्त गर्न सम्बन्धित घर धनी र बहालमा लिने प्राकृतिक वा कानुनी ब्यक्तिका विच भएको बहाल सम्झौता अनिवार्यतः पेश गर्नु पर्नेछ छ ।
व्यवसायीले सर्वसाधारणलाई शौचालय प्रयोग गर्न दिए व्यवसाय करमा ५० प्रतिशत छुट पाइने भएको छ । काठमाडौं महानगर क्षेत्र भित्र मानिसहरुको बढी भिडभाड हुने र सार्बजनिक शौचालयको अभाव रहेको स्थानका होटल, रेष्टुरेन्ट पसल जस्ता ब्यवसायहरुले आफ्नो प्रयोजनका लागि बनाएका शौचालयमा सर्बसाधारणका लागि समेत निःशुल्क सेवा दिन सहमत भई महानगरपालिकासँग सहकार्य गरे त्यस्ता व्यवसायमा लाग्ने व्यवसाय करमा थप ५० प्रतिशत छुट हुने व्यवस्था गरिएको छ ।
कुन–कुन करमा कति–कति छुट ?
महानगरपालिकाले आर्थिक वर्ष २०७६-७७ देखि कर वक्यौतामा लाग्ने जरिवान सबै छुट गरेको छ । त्यसैगरी सम्पत्ति करमा ९० प्रतिसतसम्म छुटको व्यवस्था गरेको छ । त्यस्तै बहाल करमा पनि महानगरपालिकाले १० प्रतिशत वा २५ हजार मध्ये जुन कम हुन्छ सो रकम छुटको प्रस्ताव गरेको छ ।
वि.सं.२०७८ असार १० बिहीवार १३:४५ मा प्रकाशित