काठमडौं । आगामी आर्थिक वर्ष २०७८/७९ का लागि पोखरा महानगरपालिकाले ६ अर्ब २७ करोड ७५ लाख रुपैयाँ बजेट विनियोजन गरेको छ ।
चालुतर्फ २ अर्ब ९० करोड ९४ लाख र पुँजीगततर्फ ३ अर्ब ३६ करोड ८० लाख रुपैयाँ विनियोजन गरेको पोखरा उपमहानगरपालिकाकी उपप्रमुख मञ्जुदेवी गुरुङले जानकारी गराउनुभयो ।
महानगरपालिकाले संघीय सरकारको वित्तीय हस्तान्तरणबाट २ अर्ब ५६ करोड, प्रदेश सरकारको वित्तीय हस्तान्तरणबाट ९ करोड, संघीय राजश्व बाँडफाँडबाट ३१ करोड २१ लाख र प्रदेश सरकारको राजश्व बाँडफाँडबाट ६ करोड १८ लाख प्राप्त हुने र आन्तरिक आयबाट २ अर्ब २२ करोड रुपैयाँ उठाउने लक्ष्य लिएको छ ।
खर्च केन्द्रगत रुपमा नगर कार्यपालिकाको कार्यालयतर्फ ८८ करोड ८६ लाख अर्थात १४ प्रतिशत, सामाजिक विकासतर्फ १२ करोड ७९ लाख ८९ हजार, शिक्षातर्फ १ अर्ब ४२ करोड ८७ लाख ३५ हजार, कृषितर्फ १४ करोड ४९ लाख रुपैयाँ विनियोजन गरिएको उपप्रमुख गुरुङले जानकारी गराउनुभयो ।
महानगरले स्वास्थ्यतर्फ ४० करोड २२ लाख, वडा कार्यालयतर्फ ४१ करोड ६० लाख। पूर्वाधारतर्फ २ अर्ब ८६ करोड ९० लाख रुपैयाँ बजेट प्रस्ताव गरिएको उपप्रमुख गुरुङलेले जानकारी गराउनुभयो ।
बजेटको पूर्णपाठ हेर्नका लागि यहाँ क्लिक गर्नुहोस् ।
वि.सं.२०७८ असार १० बिहीवार १४:४६ मा प्रकाशित