काठमाडौं । काठमाडौं महानगरपालिकाले सम्पत्ति कर प्रयोजनका लागि जग्गाको मूल्य निर्माण गरेको छ ।
काठमाडौं महानगरपालिका क्षेत्र भित्रका प्रमुख सडक एवं सडकको दायाँ बायाँका जग्गाहरुको सम्पत्ति कर मूल्याङ्कन प्रयोजनको लागि मूल्य निर्धारण गरेको हो ।
महानगरका अुनसार सबैभन्दा बढी प्रति आना ५० लाख रुपैयाँसम्म रहेको छ । माइतीघर, सिंहदरबार पश्चिमगेट, पुतलीसडक,कृष्णा उरोटी,हात्तीसार, जयनेपाल, कान्तिपथ जमल, दरबारमार्ग र घण्टाघरदेखि कमलादी मोडसम्मका मुलसडकसँग जोडिएका दायाँबायाँका जग्गाको मूल्य प्रति आना ५० लाख रुपैयाँ रहेको छ ।
जमल, रानीपोखरी, वीर अस्पताल, नेपाल वायुसेवा निगम, गोश्वरा हूलाक, त्रिपुरेश्वरसम्मको मुलसडकसँग जोडिएका दायांबायांका, रत्नपार्क, पूरानो बसपार्क, शहीदगेटहूंदै सून्धारा चोकसम्म, सिंहदरबार पश्चिमगेटहुँदै भद्रकालीसम्मका मुलबाटोसँग जोडिएका दायांबायांकाजग्गाहरुको मूल्य प्रति आना ५० लाख रहेको छ ।
केशरमहल प्रवेशद्धारदेखि पश्चिम ठमेल मुलचोक हूंदै क्षेत्रपाटी चोकसम्मको मुलबाटोमा जोडिएका जग्गा, हनुमानढोका, जिल्ला प्रहरी कार्यालय पूर्व सुरज आर्केड, इन्द्रचोक, असनहूंदै भोटाहिटी चोकसम्म, असन चोकदेखि जमल राष्ट्रिय नाचघरसम्म र सो देखि पूर्व विश्वज्योतिहल हूंदै तिनधारा पाठशालासम्म मुलबाटासँग जोडिएका, महेन्द्र सालिकदेखि काठमाडौं प्लाजासम्म मुलसडकसँग जोडिएका दायाँ बायाँका जग्गाको मूल्य ५० लाख रुपैयाँ रहेको छ ।
पूतलीसडक, बागबजार, रत्नपार्कसम्मको मूलसडकसंग जोडिएका दायाँबायाँका जग्गाहरु, पूतलीसडक कूमारी बैंक चोकदेखि पूरानो बसपार्कसम्मको (शुक्रपथ) मुलबाटो, पद्मोदय मोडदेखि सभागृहचोकसम्मको मुलबाटोसंग जोडिएका दायाँबायाँकाजग्गाहरुको मूल्य प्रति आना ४० लाख रुपैयाँ पर्नेछ । यस्तै जिल्ला प्रशासन कार्यालय, काठमाडौं अगाडिको मूल सडकसँग जोडिएका दायाँ बायाँका जग्गाहरुको मूल्य प्रति आना ३२ लाख रुपैयाँ रहेको छ ।
नयाँ सडक गेटबाटउत्तर हूंदै महाबौद्ध (चिकं अटः) गणेशस्थानसम्म (भौंसीको मार्ग) सडकसँग जोडिएका दायाँ बायाँका जग्गाहरु चिकंअटः देखि इन्द्रचोकसम्म (ओटु मार्ग) सडकसंग जोडिएका दायाँ बायाँ, दुगमबहिल भौंसीको दोबाटोबाट पश्चिम साविकको रंजनाहलको गेटसम्म (प्यूखामार्ग, फसिकेव मार्ग) र नयां सडक पिपलबोट दोबाटोदेखि उत्तर साविकको रंजनासिनेमा हलसम्म (रंजनामार्ग)सडकसंग जोडिएका दायाँ बायाँका जग्गाको मूल्य प्रति आना ३६ लाख रुपैयाँ रहेको छ ।
वि.सं.२०७८ असार १० बिहीवार १६:१८ मा प्रकाशित