काठमाडौं । प्रुडेन्सियल क्यापिटल म्यानेजमेण्ट कम्पनीको स्वामित्वमा चार कम्पनीको संस्थापक सेयर आजदेखि लिलामीमा बिक्री खुला भएको छ ।
कम्पनीले प्रभु बैंक, प्राइम कमर्सियल बैंक, नेशनल लाइफ इन्स्योरेन्स र नेपाल ग्रामीण विकास लघुवित्त को संस्थापक सेयर लिलामीमा बिक्री खुला गरेको हो ।
कम्पनीले न्युनतम मूल्य २५५ रुपैयाँ रहेको प्रभु बैंकको १ लाख कित्ता, न्युनतम मूल्य २५० रुपैयाँ तोकिएको प्राइम कमर्सियल बैंकको १ लाख ७० हजार कित्ता, ५ रुपैयाँ तोकिएको नेशनल लाइफको २ लाख २५ हजार कित्ता, ६ सय रुपैयाँ न्युनतम मूल्य रहेको ग्रामीण विकास लघुवित्तको ३५ हजार कित्ता संस्थापक सेयर लिलामीमा बिक्री खुला गरेको हो ।
उक्त सेयर खरीद गर्न योग्य इच्छुक विद्यमान संस्थापक वा जो कोही व्यक्ति, कम्पनी तथा संघ संस्थाले असार १८ गतेसम्म बोलपत्र पेश गर्न सक्नेछन् ।
आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्ने हुन्छ । कम्पनीको सेयर विक्री प्रबन्धकमा एनआईसी एशिया क्यापिटल रहेको छ ।
सबै कम्पनीको सेयर खरीदका लागि बोलकबोल गर्दा सबै न्यूनतम १० हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ ।
वि.सं.२०७८ असार ११ शुक्रवार १२:११ मा प्रकाशित