काठमाडौं । काठमाडौं महागरपालिकाले सम्पत्ति कर प्रयोजनका लागि जग्गाको मूल्य निर्धारण गरेको छ ।
महानगर क्षेत्र भित्रका प्रमुख सडक तथा सडक आसपासका जग्गाहरुको सम्पत्ति कर मूल्याङ्कन प्रयोजनका लागि मूल्य निर्धारण गरेको हो ।
महानगर क्षेत्रका केही स्थानहरुको जग्गाको मूल्य प्रतिआना ४ लाख रुपैयाँ (बाटो नभएको) देखि ५० लाख रुपैयाँ निर्धारण गरेको छ । हामीले यहाँ ४ देखि २० लाख रुपैयाँ आनासम्मको जग्गालाई मात्रै समावेश गरेका छौ ।
महानगरले नयाँ बजार नगरविकास आयोजनाको मुलपिच सडकसंग जोडिएको दायाँबायाँका जग्गाहको मूल्य प्रतिआना २० लाख रुपैयाँ निर्धारण गरेको छ ।
बाटो तथा गोरेटो बाटे नभएका काठमाडौं महानगरपालिका १४ अन्तर्गतका सडकहरुको दायाँबायाँको जग्गाको मूल्य प्रतिआना ४ लाख रुपैयाँदेखि तल नहुने गरि निर्धारण भएको छ । सोही वडाका सडकहरु दायाबाँयाँ जग्गाहरु बढीमा २० लाख रुपैयाँसम्म निर्धारण गरेको छ ।
यस्तै, कामपा १५ अन्तर्गतका जग्गाहरु भने ७ लाख (बाटो नभएको) देखि १६ लाख (मुल सडक) रुपैयाँसम्म मूल्य निर्धारण गरेको छ ।
यी हुन् २० लाख रुपैयाँका जग्गा निर्धारण भएका स्थानहरु
महानगरभित्रका विभिन्न ४ ठाउँका जग्गाको मूल्य प्रतिआना २० लाख रुपैयाँ तोकिएको छ ।
जसमध्ये नयाँबजार नगरविकास आयोजनाको मुलपिच सडकसंग जोडिएको दायां बायांका जग्गाहरु, गोंगबू (चक्रपथ) चोकबाट जाल्पाचोकसम्मको मुलबाटोको आसपासका जग्गाहरु मूल्यांकन पूस्तिकामा प्रस्तुत हून छूट भएको र घर बाटो सिफारिस आउंदा मुल बाटो भनि उल्लेख भएमा त्यस्तो छूट भएको मुल बाटोको दायाँ बायाँंका जग्गाहरुको मूल्य प्रतिआना २० लाख रुपैयाँ निर्धारण गरेको छ ।
त्यसैगरी गोपीकृष्ण सिनेमा हल नजिक चक्रपथ ट्रयाक हूंदै पुलिस विट बायाँबाट कपन जाने बाटो र दायाँ महांकाल पानीट्यांकी तर्फ निस्कने र मंहाकालबाट कपनको वडा भवनतर्फ जाने र बेख जाने बाटोको कपन सीमानासम्मको सडकसँग जोडिएको दायाँबायाँ र गोपीकृष्ण नगर जाने चक्रपथको ट्रयाकबाट सूरु भई गोपीकृष्णनगर एकीकरण आयोजनाको र वडा–६ तर्फ ७ तल्ले घरसम्म, कपनजाने बाटोसम्म, कपन वडा भवनजाने मुलबाटो र महांकालसम्मको र सो भित्र पर्ने जग्गाहरुको मूल्य २० लाख रुपैयाँ निर्धारण गरेको हो ।
प्रतिआना १८ लाख रुपैयाँ निर्धारण गरिएका स्थानहरु
महागरले विभिन्न ८ स्थानका जग्गाको मूल्य १८ लाख रुपैयाँ निर्धारण गरेको छ । बागमती र विष्णुमति करिडोर क्षेत्रको सडकसँग जोडिएका आसपास, धोविखोला करिडोरसँग जोडिएका, मित्रपार्कदेखि गौरीघाट चोकसम्म मुलसडकसँग जोडिएका र मित्रपार्कदेखि गौरीघाट चोकसम्म र सो भित्र पर्ने जग्गाहरुको मूल्य १८ लाख रुपैयाँ निर्धारण गरेको हो ।
यस्तै, चाबहिल चोकदेखि गणेशस्थान हुँदै भत्केको पूलसम्मको दांयाबांया र चाबहिल चोक हुँदै सिफल चौरसम्म र सो विचमा पर्ने, भत्केको पूलहुँदै कालोपूलसम्मको पिचसडकसँग जोडिएका र सो बीचमा पर्ने जग्गाहरु, कालोपूलहुँदै मित्रपार्क चोक दुरसंचार पछाडिको मुलसडक निस्कने बाटो तथा कालोपूल हुँदै चाबहिल गणेश स्थान निस्कने बाटोसँग जोडिएका दायाँबायाँ र मित्रपार्क चोक हुँदै दुरसंचार मुल सडक निस्कने बाटोसम्मका दायाँ बायाँका र सो बीचमा पर्ने जग्गाको मल्य पनि प्रति आना १८ लाख रुपैयाँ तोकेको छ ।
त्यसैगरी नगरविकासबाट वितरण गरिएकोका घडेरी जग्गा मध्ये वडा-७ को हकमा धोविखोला करिडोर सडकसंग जोडिएका, सरस्वती नगर मुल सडक दांया बांयाका जग्गाहरुको मूल्य १८ लाख रुपैयाँ निर्धारण गरेको हो ।
यो दररेट महानगरपालिकाले आगामी आवको बजेट भाषणाको क्रममा सार्वजनिक गरेको भएपनि चलेको दर रेट भने यो भन्दा निकै महंगो रहेको छ ।
महानगरले राजस्वको लागि उक्त दररेट सार्वजनिक गरेको हो । उक्त क्षेत्रको जग्गाको मूल्य सरकारले भनेको भन्दा पनि अहिले खरिद बिक्री गर्ने बिचौलीयाको हातमा रहेको पाइन्छ । उक्त क्षेत्रको जग्गा यहा उल्लेख गरे अनुसार पाउन भने सम्भव नरहेको स्थानीको भनाई छ ।
काठमाडौंका कुन क्षेत्रका जग्गाको मूल्य कति ? विवरण हेर्न यहाँ क्लिक गर्नुहोस् ।
यो पनि हेर्नुहोस् :
वि.सं.२०७८ असार ११ शुक्रवार १५:०८ मा प्रकाशित
