काठमाडौं । चालु आर्थिक वर्षको ११ महिनामा जीवन बीमा कम्पनीले १ खर्ब २८ अर्ब ८६ करोड रुपैयाँ बीमा शुल्क आर्जन गरेका छन् ।
जसमा जीवन बीमा कम्पनीले १ खर्ब २ अर्ब ३४ करोड रुपैयाँ र निर्जीनब बीमा कम्पनीले २६ अर्ब ५२ करोड रुपैयाँ बीमा शुल्क आर्जन गरेको बीमा समितिले जनाएको ।
समितिका अनुसार जेठ महिनामा मात्रै ३ अर्ब ३१ करोड रुपैयाँ बीमा शुल्क आर्जन गरेका छन् । जसमा प्रथम बीमा शुल्क ३५ अर्ब १९ करोड, नविकरण बीम शुल्क ६६ अर्ब ५८ करोड र वैदेशिक रोजगारी बीमाशुल्क ५७ करोड रुपैयाँ आर्जन गरेका छन् ।
यस्तै निर्जीबन बीमा तर्फ जेठ महिनामा मात्रै १ अर्ब ७८ करोड रुपैयाँ बीमा शुल्क संकलन गरेका छन् । बीमा समितिका अनुसार ११ महिनाको अवधिमा राष्ट्रिय बीमा संस्थानले ७ अर्ब २६ करोड, नेशनल लाइफले ९ अर्ब ५७ करोड, नेपाल लाइफ इन्स्योरेन्सले २७ अर्ब ५७ करोड, लाइफ इन्स्योरेन्स कर्पोरेशनले १४ अर्ब ६९ करोड रुपैयाँ बीमा शुल्क आर्जन गरेका छन् ।
यस्तै मेट लाइफले ४ अर्ब ५५ करोड, एशियन लाइफले ५ अर्ब ४ करोड, सुर्या लाइफले ३ अर्ब ६१ करोड, गुँरास लाइफले ३ अर्ब १७, प्राइम लाइफले ३ अर्ब ३५ करोड, आईएमई लाइफले २ अर्ब ९ करोड, यूनियन लाइफले ५ अर्ब ७० करोड, ज्योती लाइफले २ अर्ब ६१ करोड, सन नेपाल लाइफले १ अर्ब ८६ कराड, रिलायन्स लाइफले २ अर्ब १३ करोड, रिलायबल लाइफले २ अर्ब ६४ करोड, सिटिजन लाइफले २ अर्ब ८७ करोड, सानिमा लाइफले १ अर्ब ६६ करोड, प्रभु लाइफले १ अर्ब २१ करोड र महालक्ष्मी लाइफले ७६ करोड रुपैयाँ बीमा शुल्क आर्जृन गरेका छन् ।
यस्तै निर्जीबन बीमा तर्फ नेपाल इन्स्योरेन्सले १ अर्ब १० करोड, ओरियन्टलको ९५ करोड, नेशनलले ७९ करोड, हिमालयन जनरलले १ अर्ब २३ करोड, यूनाइटेडले ९४ करोड, प्रिमियर इन्स्योरेन्सले १ अर्ब ६० करोड, एभरेष्टले ८९ करोड, नेको इन्स्योरेन्सले २ अर्ब २० करोड रुपैयाँ बीमा शुल्क आर्जन गरेको छ ।
यता सगरमाथाले २ अर्ब २६ करोड, प्रभुले १ अर्ब २६ करोड, आईएमई जनरलले १ अर्ब ३२ करोड, प्रुडेन्सियल इन्स्योरेन्सले १ अर्ब १७ करोड, शिखर इन्स्योरेन्सले ३ अर्ब ४६ करोड, लुम्बिनीले १ अर्ब १५ करोड, एनएलजीले १ अर्ब ८९ करोड, सिद्धार्थले २ अर्ब २ करोड, जनरल इन्स्योरेन्सले ५९ करोड, अजोडले १ अर्ब १४ करोड र सगरमाथा इन्स्योरेन्सले ५६ करोड रुपैयाँ बीमा शुल्क आर्जन गरेको बीमा समितिले जनाएको छ ।
वि.सं.२०७८ असार ११ शुक्रवार १५:५६ मा प्रकाशित