काठमाडौं । साताको पहिलो दिन सेयर बजारमा दोहोरो अंकको सुधार आएको छ । निकै उतार चढावका बीच पनि बजारमा दोहोरो अंकको सुधार देखिएको हो ।
यो दिनको कारोबारमा दोहोरो अंकको सुधार आएपनि कारोबार रकम भने घटेको छ । बजार मापन गर्ने सूचक २७.३८ अंकले बढेर २८७०.३८ बिन्दुमा रोकिएको छ । २२७ कम्पनीको २ करोड ९ लाख ७४ हजार ३७७ कित्ता सेयर ७ अर्ब १६ करोड ७४ लाख ३२ हजार ७२८ रुपैयाँको सेयर किनबेच भएको छ ।
कारोबारमा अधिकांश समूहको उपसूचकमा सुधार देखिएको छ । बैंकिङ समूहको ३८.२६, जलविद्युत ७६.८१, उत्पादन तथा प्रशोधन २८.६५, माइक्रोफाइनान्स समूहको उपसूचक ४.९ अंकले बढ्दा जीवन बीमा १२.९६, निर्जीबन बीमा ४०.५१, विकास बैंक समूहको उपसूचक ५९.४१ अंकले घटेको छ ।
कारोबार रकमको आधारमा नेशनल हाईड्रोपावर अग्रस्थानमा देखिएको छ । कम्पनीको ४० करोड ७० लाख २५ हजार रुपैयाँ बढीको सेयर किनबेच भएको छ । यस्तै दोस्रो र तेस्रोमा सेञ्चुरी बैंक र पुनर्बीमा कम्पनी रहेका छन् ।
वि.सं.२०७८ असार १३ आइतवार १५:०७ मा प्रकाशित