काठमाडौं । आज (सोमबार) एनआईसी एशिया सेलेक्ट–३० इन्डेक्स फण्डको इकाईमा आवेदन दिने अन्तिम दिन रहेको छ ।
उक्त इकाईमा आज बैंकिङ समयसम्म आवेदन दिन सकिने छ । एनआईसी एशिया क्यापिटल योजना व्यवस्थापक रहेको उक्त योजनाले असार १० गतेदेखि १० करोड इकाई बिक्रीमा ल्याएको हो ।
कुल १० करोड इकाईमध्ये बीज पूँजी बापत न्यूनतम १ करोड ५० लाख इकाई कोष प्रबर्द्धक एनआईसी एशिया बैंकलाई सुरक्षित गरी ८ करोड ५० लाख इकाई सर्वसाधारणलाई बिक्री खुला गरेको हो ।
न्यूनतम १०० कित्तादेखि अधिकतम १ करोड इकाईसम्म आवेदन दिन सकिनेछ । बिक्री प्रबन्धकमा एनआईसी एशिया क्यापिटल रहेको छ ।
साथै आवेदकले धितोपत्र बोर्डबाट आस्वा अनुमति लिएका सम्पूर्ण बैंक तथा वित्तीय संस्था तथा मेरो सेयरबाट आवेदन दिन सक्नेछन् ।
वि.सं.२०७८ असार १४ सोमवार ११:११ मा प्रकाशित