काठमाडौं । युनियन लाइफ इन्स्योरेन्स कम्पनीले आईपीओ निष्काशनका लागि अनुमति पाएको छ । कम्पनीले ६४ करोड ५० लाख रुपैयाँ बराबरको आईपीओ निष्काशनका लागि नेपाल धितोपत्र बोर्डले अनुमति दिएको हो ।
बोर्डले असार १३ गते ६४ लाख ५० हजार कित्ता आईपीओ निष्काशनका लागि कम्पनीलाई अनुमति दिएको छ । कम्पनीले आईपीओ निष्कासनका लागि जेठ ९ गते बोर्डमा निवेदन दिएको थियो ।
कम्पनीको आईपीओ निष्काशन तथा बिक्री प्रबन्धकमा प्रभु क्यापिटल रहेको छ ।
कम्पनीको चुक्तापूँजी १ अर्ब ५० करोड ५० लाख रुपैयाँ पुगेको छ । जगेडा तथा कोषमा ७३ करोड ७ लाख १४ हजार रुपैयाँ रहेको छ । कम्पनीले जीवन बीमा कोष ६ अर्ब ९० करोड २ लाख १० हजार रुपैयाँ राखेको छ ।
वि.सं.२०७८ असार १४ सोमवार १३:१७ मा प्रकाशित
