काठमाडौं । महुली लघुवित्त वित्तीय संस्थाको संस्थापक सेयर आजदेखि लिलामीमा आएको छ । एनआईसी एशिया बैंकको स्वामित्वमा रहेको ५५ हजार ७० कित्ता संस्थापक सेयर लिलामीमा बिक्री खुला भएको हो ।
उक्त सेयर खरिद गर्न योग्य इच्छुक विद्यमान संस्थापकहरुले वा जो कोही व्यक्ति, कम्पनी, संघ, संस्थाहरुले असार २१ गतेसम्म गोप्य शिलबन्दी आवेदन पेश गर्न सकिने छ ।
उक्त सेयर न्युनतम मूल्य ७३० रुपैयाँ तोकिएको छ । आवेदन दिदाँ तोकिएको न्युनतम मूल्यभन्दा बढी अंकित गरि पेश गर्नुपर्ने कम्पनीले जनाएको छ ।
सेयर खरिदका लागि बोलकबोल गर्दा न्युनतम ५ सय कित्ताका लागि दिनुपर्नेछ भने अधिकतम सेयर संख्याको लागि कुनै हक नलाग्ने कम्पनीले जनाएको छ। बिक्री प्रबन्धकमा एनआईसी एशिया क्यापिटल रहेको छ ।
वि.सं.२०७८ असार १५ मंगलवार ११:३८ मा प्रकाशित