काठमाडौं । मेगा क्यापिटल मार्केट्सले डिम्याट खाताको वार्षिक संचालन शुल्क बुझाउनका लागि अनुरोध गरेको छ ।
एक सुचना निकाल्दै मेगा क्यापिटल मार्केट्स तथा मेगा बैंकका शाखाहरुबाट डिम्याट खाता खोली आफ्नो धितोपत्रको कारोबार गरिरहेका खातावाहरुलाई उक्त शुल्क बुझाउन अनुरोध गरेको छ ।
खातावालाहरुलाई निक्षेप सेवा विनियमावली, २०६८ मा भएको व्यवस्था बमोजिम आर्थिक वर्ष २०७७/७८ तथा अघिल्लो आवमा खाता खोलेका सम्पूर्ण हितग्राहीहरुले प्रत्येक आवको वार्षिक संचाल शुल्क बापत बुझाउनुपर्ने बाँकी १ सय रुपैयाँ असार ३१ गतेभित्र बुझाउन भनेको छ ।
शुल्क इसेवा, आइएमई पे, खल्ती तथा कनेक्ट आईपीएस जस्ता विद्युतीय माध्यमबाट बुझाउन सकिने छ ।
असार ३१ गतेभित्र वार्षिक शुल्क भुक्तानी नगरेको हितग्राीहरुको डिम्याट खाता उक्त शुल्क नबुझाउनेबेलसम्म फ्रिज भएर रहने सूचनामा उल्लेख छ ।
वि.सं.२०७८ असार १५ मंगलवार १४:५६ मा प्रकाशित