काठमाडौं । सेयर बजारमा अब ओरालो यात्रा सुरु भएको छ । केही दिन यता बजारमा क्रममैसँग ओरालो यात्रा सुरु भएको छ । पछिल्लो समयमा बजारमा नेप्से इन्डेक्स मात्रै नभएर कारोबार रकम पनि घट्दै जाँदा बजारले ओरालो यात्राको संकेत गरेको जानकारहरुको भनाई छ ।
कारोबारमा नेप्से मापन गर्ने सूचक ४७.४९ अंकले घटेर परिसूचक २८२८ बिन्दुमा रोकिएको छ । यो दिन २२३ कम्पनीको १ करोड ४० लाख ४४ हजार ३८१ कित्ता सेयर ६ अर्ब ७२ करोड ६३ लाख ६१ हजार ८६९ रुपैयाँको सेयर किनबेच भएको छ । यो दिनको कारोबारमा सबै समूहको उपसूचकमा गिरावट आएको छ ।
बैंकिङ समूहको २६.४४, विकास बैंक १६७.१३, जलविद्युत कम्पनीको ७६.०३, वित्त कम्पनी ८७.६१, निर्जीबन बीमा २५१.५३, उत्पादन तथा प्रशोधन समूहको ३४.९८, अन्य समूहको ५१.३३, जीवन बीमा समूहको उपसूचक १६५.९८ अंकले घटेको छ भने माइक्रोफाइनान्स समूहको उपसूचक मात्रै २६.४ अंकले बढेको छ ।
बजारमा दोहोरो अंकको गिरावट आउँदा राधी विद्युत कम्पनीको ४९ करोड ८३ लाख २५ हजार ९५० रुपैयाँको सेयर किनबेच भएको छ । यस्तै दोस्रो र तेस्रो स्थानमा नेशनल हाईड्रोपावर र हाईड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी रहेको छ ।
वि.सं.२०७८ असार १५ मंगलवार १५:०५ मा प्रकाशित
