काठमाडौं । नेपाल स्टक एक्सचेन्ज (नेप्से) को अध्यक्षको जिम्मेवारी दीर्घराज मैनालीलाई दिइएको छ ।
अर्थ मन्त्रालयका सह-सचिव मैनालीलाई अर्थ मन्त्रालयको निर्णयले अध्यक्षमा मनोनयन गरेको हो ।
पद बहाली गर्दै उहाँले धितोपत्रको दोस्रो बजार तथा समग्र पुँजी बजारको उन्नतिका लागि काम गर्न प्रतिवद्धता जनाउनु भएको छ ।
‘पुँजी बजारमार्फत मुलुकको आर्थिक विकासमा पुर्याउन सकिने योगदानका सन्दर्भमा नेप्से सञ्चालक समितिका अनुभवी सदस्यहरु तथा व्यवस्थापनबाट आवश्यक सहयोग प्राप्त हुने अपेक्षा मैले गरेको छु’ उहाँले भन्नुभयो ।
वि.सं.२०७८ असार १५ मंगलवार १५:२५ मा प्रकाशित
