काठमाडौं । गाडी खदिका लागि कर्जा सेवा सम्वन्धी सांग्रिला डेभलपमेन्ट बैंक लिमिटेड र नक्साल, काठमाडौं स्थित मुख्य कार्यालय रहेको सिप्रदी ट्रेडिङ्गबीच सम्झौता भएको छ ।
बैंक र उक्त म्पनी बिच आयोजित एक कार्यक्रममा सो सम्बन्धी सम्झौता पत्रमा बैंकको तर्फबाट प्रमुुख कर्जा अधिकृत रजित मास्के र सिप्रदी ट्रेडिङ्गका तर्फबाट कम्पनीका प्रमुख बजार ब्यवस्थापक अणुपमनि ढकालले हस्ताक्षर गर्नुभएको छ।
बैंकका ग्राहक महानहरुले TATA SCV cargo and Pick up vehicle ब्राण्डको नयाँ गाडी खरीद गर्न चाहेमा आकर्षक व्याजदरमा सम्पूर्ण गाडीको मूल्यको ७० प्रतिशतसम्म बिना धितो कर्जा सुविधा बैंकका शाखा कार्यालयहरुबाट प्राप्त गर्न सकिने बताइएको छ ।
ग्राहकहरुबाट सम्पूर्ण आवश्यक कागजात प्राप्त भएको ३ दिन भित्र उक्त गाडी खरिदका लागि कर्जा प्रदान गरिने बतायएको छ । बैंकको हाल संचालनमा रहेका ९५ वटै शाखाहरुबाट उक्त कर्जा प्रदान गरिने बैंकले जनाएको छ ।
वि.सं.२०७८ असार १५ मंगलवार १७:४५ मा प्रकाशित