काठमाडौं । सिद्धार्थ क्यापिटलले ‘सिद्धार्थ व्यवस्थित लगानी योजना’ को बिक्री खुला गरेको छ । क्यापिटलले प्रति इकाइ १० रुपैयाँका दरले २ करोड इकाई बिक्री खुला गरेको हो ।
क्यापिटलका अनुसार २ करोड इकाई बाँडफाँटपछि खुद सम्पति मूल्यका आधारमा तोकिएको प्रतिइकाई मूल्यमा योजना व्यवस्थापक वा योजना व्यवस्थापकले तोकिएको इकाई बिक्रेतामार्फत दैनिक खुद सम्पति मूल्य गणना गरी त्यो मूल्यलाई इकाई पुनर्खरिद तथा बिक्री मूल्यका रुपमा लिई कारोबार गरिने भएको छ ।
५ प्रतिशत इकाई योजना व्यवस्थापक सिद्धार्थ क्यापिटल र १० प्रतिशत कोष प्रवद्र्धक सिद्धार्थ बैंकले लगानी गर्ने छ । असार २० गतेसम्म आवेदन दिन सकिने छ । उक्त अवधिमा माग अनुसार बिक्री नभएमा असार ३० गतेसम्म आवेदन दिन पाएने छ । यसमा सी आस्वा सदस्य रहेका बैंक तथा वित्तीय संस्था र मेरो सेयरबाट आवेदन दिन सकिने छ ।
वि.सं.२०७८ असार १६ बुधवार १०:५५ मा प्रकाशित