काठमाडौ । बागमती प्रदेश सरकारले कोरोना खोप खरिदका लागि २ अर्ब रुपैयाँ बजेट विनियोजन गरेको छ ।
बुधवार बागमती प्रदेशका मुख्य मन्त्री डोरमणि पौडैल र स्वास्थ्य तथा जनसंख्या मन्त्री कृष्ण गोपाल श्रेष्ठबीच भएको छलफलमा उक्त जानकारी गराइएको हो ।
छलफलमा कोरोना विरुद्धको खोपको व्यवस्थापन, कोरोना रोकथाम, नियन्त्रण तथा उपचार लगायतको विषयमा भएको थियो ।
छलफलमा मदन भण्डारी स्वास्थ्य विज्ञान प्रतिष्ठानको शैक्षिक सत्र तथा प्रयोगशालाको बिषय, किटजन्य रोग नियन्त्रण अनुसन्धान तथा तालिम केन्द्र, हेटौडाको वर्तमान कार्यक्षेत्र र क्षमता विस्तार गरी बागमती प्रदेश सरकार अन्तर्गतको (मदन भण्डारी स्वास्थ्य विज्ञान प्रतिष्ठान) संरचनामा संचालन अनुमतिका लगायतमा केन्द्रित भएको थियो ।
उक्त छलफलमा भएका प्रस्तावहरुमा स्वास्थ्य मन्त्री श्रेष्ठले सकरात्मक रहेको जनाउनुभयो ।
वि.सं.२०७८ असार १६ बुधवार १३:५६ मा प्रकाशित