काठमाडौं । बैंक फर इन्टरनेशनल सेटलमेन्ट्स (बिआईएस) को ९१ औं बैठकमा डिजिटल करेन्सीको विषयमा निकै चर्चा भएको छ ।
प्रविधिमा आएको परिवर्तनसँगै डिजिटल मुद्राको प्रयोग बढ्दै गएको र केन्द्रीय बैंक डिजिटल करेन्सीको अवधारणामा जानु पर्ने विषयमा निकै चर्चा भएको छ ।
उक्त बैकठमा नेपाल राष्ट्र बैंकका गभर्नर महाप्रसाद अधिकारीको पनि सहभागिता रहेको थियो । असार १४ र १५ गते भर्चुअल माध्यममा भएको बैठकमा पहिलो दिन बैंक अफ इङ्गल्यान्ड तथा बैंक अफ क्यानडाका पूर्व गभर्नर मार्क क्यार्नीले केन्द्रीय बैंकको भूमिकाको विषयमा जानकारी गराउनु भएको थियो ।
उहाँले केन्द्रीय बैंकको विगत र वर्तमानको तुलनात्मक भूमिका, बदलिँदो विश्व वित्तीय प्रणालीमा देखिएका नवीनम चुनौतीलाई सम्बोधन गर्दै मौद्रिक तथा वित्तीय स्थायित्वका निम्ति केन्द्रीय बैंकले अवलम्बन गर्नुपर्ने रणनीतिक व्यवस्थाबारेमा जानकारी गराउनु भएको छ । प्रविधिमा आएको परिवर्तनसँगै डिजिटल मुद्राको प्रयोग बढ्दै गएको र केन्द्रीय बैंक डिजिटल करेन्सीको अवधारणाका विषयमा समेत क्यार्नीले बताउनुभयो ।
बैठकमा बिआईएसका महाप्रबन्धक अगस्टिन कार्सटेन्सले संस्थाको वार्षिक आर्थिक प्रतिवेदनको बारेमा जानकारी गराउनुभयो । उहाँले कोभिड-१९ का कारण शिथिल बनेको अर्थतन्त्रको दीर्घकालीन स्थिरताको निम्ति नीतिगत आधारशीला तयार गरिनुपर्ने आवश्यकता औंल्याउनुभयो । त्यसको लागि संरचनागत सुधार, नवप्रवर्तनात्मक प्रविधिको विकास र विश्वव्यापी नीतिगत सहकार्य एवम् समन्वय हुनुपर्ने आवश्यकतामा महाप्रबन्धक कार्सटेन्सको रहेको थियो ।
बीआईएसको आर्थिक प्रतिवेदनले कोभिड महामारीका कारण आयस्तर र स्रोतको पहुँचमाथि तीव्र रूपमा असमानता बढेको उल्लेख गर्दै मौद्रिक तथा वित्तीय नीतिमार्पmत त्यसलाई न्यूनीकरण गरी समष्टिगत आर्थिक स्थायित्वतर्पm उन्मुख हुनुपर्ने आवश्यकता औंल्याएको छ ।
बैठकमा सबल वित्तीय प्रणालीका निम्ति बीआईएसबाट भएका नवीनतम र नवप्रवर्तनात्मक प्रयासबारे जानकारी गराइएको छ । सन् १९३० मा स्थापना भएको बीआईएसमा हाल ६३ वटा केन्द्रीय बैंकहरू सदस्य रहेका छन् । यसको प्रधान कार्यालय स्विट्जरल्याण्डको बाजलमा रहेको छ ।
वि.सं.२०७८ असार १६ बुधवार १८:४१ मा प्रकाशित