काठमाडौं । साताको अन्तिम कारोबार दिन सेयर बजार दोहोरो अंकले वृद्धि भएको छ । उक्त दिन बजार १९.१२ अंकले बढेको हो ।
बजार परिसुचक पनि २८४३ अंकको बिन्दुमा पुगेर बन्द भएको छ । विहीबार ६ अर्ब ७० करोड ७७ लाख ७५ हजार रुपैयाँ बराबरको सेयर कारोबार भएको छ ।
आज निर्जीवन बीमा समूह बाहेक सबै बढेको छ । उक्त दिन निर्जीवन बीमा ५.७ अंकले घटेको छ ।
विहीबार बैंकिङ ३.१३ अंक, व्यापार १९.३८ अंक, होटेल तथा पर्यटन १३८.५५, डेभलपमेन्ट बैंक १५२.८३, हाइड्रोपावर २१.८३, फाइनान्स ६३.५६, उत्पादक तथा प्रसोधन समूह २.३६, माइक्रोफाइनान्स २.२३, जीवन बीमा ७४.७४, म्युचुअल फण्ड ०.१५, लगानी समूह १.२२ र अन्य ३६.९२ अंकले वृद्धि भएको छ ।
आज सबैभन्दा बढी नेको इन्स्योरेन्सको कारोबार भएको छ । कम्पनीको विहीबार ३० करोड ७२ लाख ४९ हजार रुपैयाँ बराबरको सेयर कारोबार भएको हो ।
वि.सं.२०७८ असार १७ बिहीवार १५:०५ मा प्रकाशित
