काठमाडौं । स्वावलम्बन लघुवित्त वित्तीय संस्थाले आजदेखि संस्थापक सेयर लिलामीमा ल्याएको छ । कम्पनीले नबिल बैंकको स्वामित्वमा रहेको १ लाख ८९ हजार ६५३ कित्ता संस्थापक सेयर लिलामीमा ल्याएको हो ।
उक्त सेयरको न्यूनतम मूल्य ७ सय रुपैयाँ तोकिएको हुँदा सो वा सोभन्दा बढी मूल्य अंकित गरि बोलकबोल गर्नुपर्ने छ ।
बोलकबोल माध्यमबाट बिक्री खुला गर्ने भएको हुँदा सेयर खरिद गर्न योग्य इच्छुक विद्यमान संस्थापकहरु वा जो केही व्यक्ति तथा नेपालमा दर्ता भएको कम्पनी, संघ संस्थाहरुले असार २५ गते भित्र आवेदन पेश गर्नुपर्ने कम्पनीले जनाएको छ ।
उक्त सेयर खरिदका लागि बोलकबोल गर्दा न्यूनतम १ हजार कित्ताका लागि र अधिकतम सेयर संख्याका लागि कुनै हद नलाग्ने कम्पनीले जनाएको छ । बिक्री प्रबन्धमा नबिल इन्भेष्टमेन्ट बैंकिङ्ग लिमिटेड रहेको छ ।
वि.सं.२०७८ असार १८ शुक्रवार १२:३९ मा प्रकाशित