काठमाडौं । त्रिभुवन विश्वविद्यालयले ठुलो संख्यामा कर्मचारी माग गरेको छ । एक सूचना निकाल्दै त्रिवि अन्तर्गतको सेवा आयोगको कार्यालयले ७७ जना कर्मचारीको माग गरेको हो ।
त्रिविका विभिन्न निकायका लागि प्रशासन सेवा अन्तर्गत प्राविधिक समूहका पदहरुमा दरखास्त आह्वान गरेको हो । जसमध्ये सूचना प्रविधितर्फ प्राविधिक अधिकृत १० जना र र मुख्य प्राविधिक सहायक ६७ जना माग ग रेको छ ।
उक्त पदका लागि २१ वर्ष पूरा भई ४० वर्ष ननाघेको व्यक्तिले आवेदन दिन सकिने सूचनामा उल्लेख छ । योग्यता पुगेका इच्छुक उम्मेदवारहरुले साउन ४ गतेसम्म दरखास्त दिन सकिने छ ।
दोब्बर दस्तुर तिरेर साउन ९ गते सम्ममा दरखास्त दिन सक्नेछन् । दरखास्त अनलाइन एप्लिकेसनमार्फत दिन सकिने सूचनामा उल्लेख छ ।
विस्तृतका लागि हेर्नुहोस् सूचना
वि.सं.२०७८ असार १८ शुक्रवार १२:४९ मा प्रकाशित
