काठमाडौं । लुम्बिनी जनरल इन्स्योरेन्स कम्पनीले संस्थापक सेयर बिक्री गर्ने भएको हो । कम्पनीले एक सूचना निकाल्दै १ लाख १६ हजार ४६४ कित्ता संस्थापक सेयर बिक्री गर्ने जनाएको छ ।
सेयरको मूल्य प्रतिकित्ता ४२१ रुपैयाँ ६३ पैसामा बिक्री गर्ने भएको हो । उक्त सेयर खरीद गर्न इच्छुक यस कम्पनीका हाल कायम रहेका संस्थापकहरुले निवेदन दिनुपर्ने छ । सूचना प्रकाशित गरेको आजको मितिले ३५ दिनभित्र निवेदन पेश गर्न अनुरोध गरेको छ ।
उक्त समय अवधिमा निवेदन नआएमा बीमा समितिको निर्देशन बमोजिम अन्य व्याक्ति संघ संस्थालाई बिक्री गर्ने सूचनामा उल्लेख छ ।
वि.सं.२०७८ असार १८ शुक्रवार १३:३९ मा प्रकाशित