काठमाडौं । ज्योति विकास बैंकले एक हजारका दरले १ अर्ब ५० करोड रुपैयाँको १५ लाख कित्ता ‘ज्योति विकास बैंक बोन्ड २०८७’ निष्काशन खुल्ला गरेको छ ।
बार्षिक ९ प्रतिशत ब्याजदर रहेको ऋणपत्रको अवधि १० वर्ष रहेको छ । १ अर्ब ५० करोडमा सर्वसाधारण लगानीकर्ताले ६० रुपैयाँका लाग आवेदन दिन पाउने छन् भने बैंक आफैले विभिन्न संघ संस्थालाई ९० करोड रुपैयाँको बिक्री गर्ने भएको छ । ऋणपत्रमा न्युनतम २५ कित्ता देखि अधिकतम सबै कित्ताको लागि आवेदन दिन सकिने छ ।
लगानीकर्ताले असार २३ गतेसम्म यसमा आवेदन दिन सक्नेछन् । त्यो दिनसम्म माग अनुसार आवेदन नपरेको खण्डमा साउन ४ गतेसम्म आवेदन दिन सकिने छ । लगानीकर्ताले ऋणपत्रमा नेपाल धितोपत्र बोर्डबाट इजाजतपत्र प्राप्त सि–आस्वामा सहभागी बैंक तथा वित्तीय संस्थाहरु र तिनका तोकिएका शाखा कार्यालयहरुबाट आवेदन दिन सक्नेछन् । यसको बिक्री प्रबन्ध्कमा एनआईबिएल एस क्यापिटल रहेको छ ।
वि.सं.२०७८ असार २० आइतवार ०९:५४ मा प्रकाशित