काठमाडौं । आज सांग्रिला डेभलपमेण्ट बैंकको ऋणपत्र खरिदका लागि आवेदन दिने दिन रहेको छ । बैंकले असार ६ गतेदेखि प्रतिकित्ता १ हजार रुपैयाँ अंकित दरको ७५ करोड बराबरको ऋणपत्र बिक्रीमा ल्याएको हो ।
सार्वजनिक निष्काशनमा आएको कुल कित्तामध्ये ३ लाख कित्ता सामूहिक लगानी कोषसहित सर्वसाधरणका लागि र ४ लाख ५० हजार कित्ता व्यक्तिगत तवरबाट विभिन्न संघ/संस्थाहरुलाई बिक्री गर्ने बैंक जनाएको छ ।
१० वर्षे अवधि तथा वार्षिक ९ प्रतिशत ब्याजदर भएको सांग्रिला डेभलपमेण्ट बैंक डिबेञ्चर २०८७ नामका उक्त ऋणपत्रमा आज बैंकिङ कारोबार समयसम्म आवेदन दिन सकिने छ ।
उक्त ऋणपत्र खरिदका लागि न्युनतम २५ देखि अधिकतम ३ लाख कित्तासम्म आवेदन दिन सकिने बैंकले जनाएको छ । ऋणपत्र बिक्री प्रबन्धकमा एनआईबीएल एस क्यापिटल रहेको छ ।
वि.सं.२०७८ असार २० आइतवार १०:३९ मा प्रकाशित