काठमाडौं । यसअघि स्थगित भएको नेशनल हाइड्रो पावर कम्पनीले साधारणसभाका लागि मिति तय गरेको छ । कम्पनीले असार ३१ गते भर्चुअल माध्यमबाट सभा गर्ने भएको हो ।
कम्पनीको गत फागुन २३ गते बसेको संचालक समितिको बैठकले गत चैत २७ गते डेलिश ओपेरा रेष्ट्रो एण्ड बैंक्वेटमा सभा गर्ने भनेको थियो ।
उक्त दिन सभा गर्नका लागि उपस्थित भएकोमा सभा संचालनका लागि सेयरधनीहरुको गणपुरक संख्या नपुगेकाले सभा स्थगित भएको थियो ।
सभामा अन्य हाइड्रो कम्पनीलाई मर्जर तथा प्राप्ति मा लिने सम्वन्धी आवश्यक निर्णय संचालक समितिलाई दिने विशेष प्रस्ताव रहेको छ ।
लोअर यर्खुवा हाइड्रोपावर कम्पनीले आयोजना निर्माण गर्न लिएको ऋणमा कर्पोरेट ग्यारेन्टी सम्वन्धमा गत फागुन २ गते संचालक समितिको बैठकले गरेको निर्णय अनुमोदन र कम्पनीको नियमावलीको नियम १८ को उपनियम (६) लाई संशोधन गर्ने विशेष प्रस्ताव रहेको छ ।
यस्तै, आर्थिक वर्ष २०७७/७८ को लागि लेखापरीक्षक नियुक्त तथा निजको पारिश्रमिक निर्धारण गर्ने छ । सभा प्रयोजनका लागि कम्पनीले गत चैत १३ गतेदेखि २७ गतेसम्म बुक् क्लोज गरेको थियो ।
वि.सं.२०७८ असार २० आइतवार १६:३४ मा प्रकाशित