काठमाडौं । नेपाल उद्योग वाणिज्य महासंघले सुन धितो राखेर बजार मूल्यमा बढीमा २५ प्रतिशतमात्र मार्जिन कट्ने गरि कर्जा प्रवाह गर्नुपर्ने व्यवस्था मिलाउन सुझाव दिएको छ ।
महासंघले आगामी मोद्रिक नीतिका साना तथा मझौला स्वरोजगरा प्रकृतिका उद्योग व्यवसयामा कार्यगत पुँजीको तरलता अभाव हुन नदिन यस्तो सुझाव दिएको हो ।
सुन धितो राखी बजार मूल्यमा बढीमा २५ प्रतिशत मात्र मार्जिन कट्ने गरी अधिकांश जिल्लाका बैंकका शाखाहरुले क्रमशः कर्जा प्रवाह गर्नुपर्ने व्यवस्था मिलाइनु पर्ने महासंघका सुझाव छ ।
साथै महासंघले हालको क्रेडिट रेटिङ्गको व्यवस्था खर्चिलो र झण्झटिलो भएको कारण यसलाई परिमार्जन गरी ५ वर्ष वा सो भन्दा बढी अवधिदेखि सञ्चालनमा रहेका उद्योगहरुलाई कर्जा प्रवाह गर्दा क्रेडिट रेटिङ्ग गराउन नपर्ने र गर्नै पर्ने अवस्थामा हालको सिमा ५० करोडबाट बृद्धि गरी १ अरव ५० करोड रुपैयाँ पु¥याइनुपर्ने सुझाव दिएको छ ।
अर्थतन्त्रलाई चलायमान बनाउन महत्वपूर्ण क्षेत्रको रुपमा रहेको तथा आम सर्वसाधारणको चासोका रुपमा रहेको सवारी, रियल इस्टेट र सेयर कर्जाको बिकास, विस्तार एवं सुरक्षाका लागि सम्बन्धित क्षेत्रका व्यवसायीहरुसंग छलफल गरी आवश्यक व्यवस्था गर्नुपर्ने महासंले सुझाव दिएको छ ।
यस्तै, आगामी मौद्रिक नीतिका लागि महासंघले साना मझौला उद्यमी एवं सर्वसाधारणलाई सेवा दिइरहेका हायर पर्चेज कम्पनीबीचमा रहको कर्जा सम्बन्धि विभेद र तोकिएको स्प्रेडदर हटाउनुपर्ने सुझाव दिएको छ ।
वि.सं.२०७८ असार २० आइतवार १७:४७ मा प्रकाशित