काठमाडौं । नेपाल बैंकर्स संघले आर्थिक वर्ष २०७८(७९ को मौद्रिक नीतिका लागी नेपाल राष्ट्र बैंकलाई सुझाव दिएको छ । सुझावमा व्यवस्थित रुपमा बैंकासुरेन्स सेवा सञ्चालन गर्नुपर्ने रहेको छ ।
सर्वसाधारण जनतामा बीमाको दायरा बढाउन बैंक तथा वित्तीय संस्थाले बीमा कम्पनीसँगको सहकार्यमा आफ्ना ग्राहकहरुलाई बीमा पोलिसी बिक्री गर्न पाउने प्रावधानलाई व्यवस्थित बनाई लागू गर्न सुझाव दिइएको छ ।
संघले दिएको सुझावमा बैंकहरुले बैंकासुरेन्स सेवा प्रदान गर्दा मुलुकको ७५० स्थानीय तहमा वाणिज्य बैंकहरुको पहुँच भएको अवस्थामा ग्राहकहरुले सहज र सरल रुपमा दुर–दराजमा समेत सेवा पाउने र यसले बीमाको दायरा बढाउन मद्दत गर्ने उल्लेख छ ।
वि.सं.२०७८ असार २० आइतवार १८:११ मा प्रकाशित
