काठमाडौं । नेपाल राष्ट्र बैंकले १५ अर्बको विकास ऋणपत्र २०८३ ‘ङ’ बिक्री गर्ने भएको छ ।
५वर्ष अवधिको उक्त ऋणपत्रमा बैंक तथा वित्तीय संस्था, बीमा कम्पनी, संगठित संस्था तथा नेपाली नागरिकले बोलकबोल पेश गर्न सक्नेछन् ।
यो ऋणपत्र धितोराखी कर्जा लिन तथा दिन पाइने छ । असार २२ गते ३ बजे बोलकबोल हुनेछ । निष्काशन हुने अवधि असार २३ गते रहेको छ भने ब्याज भुक्तान अर्धबार्षिक रुपमा हुनेछ । उक्त ब्याजमा आयकर लाग्ने छ ।
न्यूनतम ५ हजार र बढीमा कुल निष्काशित रकमको सीमामा नबढाई ५० हजारले भाग गर्दा निःशेष भाग जाने अंकका हुनुपर्ने छ ।
वि.सं.२०७८ असार २१ सोमवार १६:२३ मा प्रकाशित