back
Mega Long Ad

कोरोना अवधिमा पनि विदेशमा नेपाली कामदारको माग उच्च, मलेसिया र साउदीमा शव अलपत्र

काठमाडौं । रोजगारीका क्रममा मलेसिया तथा साउदीमा पुगेर निधन भएका नेपाली कामदारको शव ल्याउन निकै समस्या भएको छ ।

ती देशका श्रम सहचारीका अनुसार हवाई उडानका कारण ती देशबाट नेपाली कामदारको नेपाल पठाउन समस्या भएको हो । अहिले मलेसियामा ५२ जना र साउदीमा २५ जना नेपालीको शव रहेको छ ।

दुवै देशका श्रम सहचारीका अनुसार नेपालबाट न्यारोबडीको जहाज जाने र ती जहाजमा एक पटकमा एक जना वा दुई जनाको भन्दा बढी शव नेपालमा पठाउन समस्या भएका कारण धेरै शव बाँकी रहेका हुन् ।

यता संयुक्त अरब इमिरेट्स (यूएई) मा भने वाइडबढी नै उडान हुने भएका कारण शव बाँकी नरहको त्यहाँको लागि श्रम सहचारी निर्मला थापाले बताउनुभयो । उहाँका अनुसार यूएईमा कोरोनाका कारण निधन भएका एक जना नेपालीको मात्रै शव रहेको छ ।

मलेसियाका लागि श्रम सहचारी दिपक ढकालका अनुसार अहिले ५२ वटा शव रहेको छ । हवाई समस्याका कारण शवको क्यू लाग्ने गरेको उहाँको भनाई छ । हाल सातामा ३ वटा उडान हुने र न्यारोबढी जहाज भएकाले एक पटकमा १ वटा मात्रै शव नेपालमा पठाउन सकेको जानकारी गराउनु भयो । वाइडबढीले उडाँन भर्ने हो भने एक पटकमा १६, १७ जनाको शव ल्याउँदा करिब ४ उडानमा सबै शव नेपालमा फर्काउन सकिने उहाँको भनाई छ । मलेसियामा १ वर्षमा १५० जना भन्दा बढीका निधन भएको छ ।

उहाँका अनुसार मलेसियामा नेपाली कामदारको माग भएपनि कोरोनाका कारण त्यहाँको सरकारले खोल्न चाहेको छैन । बरु अहिले मलेसियामा रहेका नेपाली नेपाल आउन धेरैले चाहेको उहाँको भनाई छ । सातामा ३ उडान हुने र अहिले तीन साताको लागि उडान प्याक भएको र टिकट पनि महंगो भएको उहाँको भनाई छ ।

मलेसिया महामारीको दर हेरेर मात्रै कामदार लिने नलिने योजनामा रहेको उहाँको भनाई छ । डिसेम्बरदेखि नर्मल भयो भने कमदार लिने अपेक्षा भएपनि त्यो हुन नसकेको ढकालले जानकारी गराउनु भयो ।

यूएईकी श्रम सहचारी निर्मला थापाका अनुसार यूएईले भने तत्कालै कामदार नलिने नीति लिएको छ । जुलाइसम्म कामदार नल्याउने नीति लिएको र अहिले बिदामा नेपालमा रहेका कामदार ल्याउन समस्या भएको उहाँको भनाई छ । उहाँका अनुसार २९ हजार कामदारको मागपत्र स्वीकार भएको तर कोरोनाका कारण रोकिएको छ ।
यूएईमा रोजगारीको लागि कसैलाई भिषा जारी नगरेका कारण खोप लाउने नलाउनेलाई आउन दिने विषयमा निर्णय नभएको उहाँको भनाई छ ।

तर साउदी अरबका श्रम सहचारी जीवन राईका अनुसार अहिले साउदीमा २५ जना कामदारको शव रहेको छ । वलाइडबढी जहाज आएमा २ फ्लाइटमा सबै शव ल्याउन सकिने तर शयारो बढीका जहाज मात्रै जाने भएका कारण एक फ्लाइटमा बढीमा २ जना वा १ जना मात्रै ल्याउन सकिने गरेका कारण समय लागेको बताउनुभयो ।

वैदेशिक रोजगार पत्रकार समाजले आयोजना गरेको कार्यक्रममा उहाँले अहिले सहजै टिकट पाउन समस्या हुने गरेको जानकारी गराउनु भयो । बिमान कम भएका कारण पनि खर्च बढेको उहाँको भनाई छ । साउदी जानेले त्यहाँको सरकारले नै होटल तोकेको क्वारेन्टाइनको व्यवस्था गरेको बताउनुभयो । त्यहाँ १०० भन्दा बढी क्वारेन्टाइन तोकेको र खर्च आफैले व्यहोर्ने भनिएको छ ।

उहाँका अनुसार अहिलेसम्म ३६ सय फाइलाबाट ३५ हजार नेपाली ल्याउनका लागि मागपत्र प्रमाणिकरण भएको छ । साउदीमा नेपालीको माग राम्रो रहेको उहाँको भनाई छ । अहिले मलेसियामा स्थगन भएको, यूएईमा कोटो सिमित भएको कारण साउदीमा माग बढेको हो । माग बढी लेबर नै हुने गरेको छ ।

उहाँका अनुसार साउदीबाट एक जनाको लागि २१ हजार साउदी रियाल तलबको लागि कम्प्युटर प्रोग्रामरको माग आएको छ । त्यो भनेको नेपाली ७ लाख भन्दा बढी हो । त्यस्ता थोरै माग आउने र नेपालीहरु अदक्ष भन्दा पनि अर्ध दक्ष र दक्ष कामदार बढी लैजान प्रयास गर्नुपर्ने उहाँको तर्क छ ।

वि.सं.२०७८ असार २३ बुधवार १३:५९ मा प्रकाशित

You can share this post!

बैंकमा ह्वात्तै बढ्यो निक्षेप संकलन, कर्जाको माग पनि उस्तै

बैंकमा ह्वात्तै बढ्यो निक्षेप संकलन, कर्जाको माग पनि उस्तै

वि.सं.२०७८ असोज ५ मंगलवार १७:३८

काठमाडौं । वाणिज्य बैंकका निक्षेप संकलन तथा कर्जाको माग निकै...

इसेवा मनि ट्रान्स्फरले ल्यायो दिनदिनै उपहार जित्ने आकर्षक योजना

इसेवा मनि ट्रान्स्फरले ल्यायो दिनदिनै उपहार जित्ने आकर्षक योजना

वि.सं.२०७८ असोज ५ मंगलवार १७:०७

काठमाडौं । इसेवा मनि ट्रान्स्फरले नेपालीहरूको महान चाड दशैँ, तिहार...

जाँचबुझ समितिले बुझायो प्रतिवेदन, जोगिएला त अध्यक्ष ढुंगानाको पद ?

जाँचबुझ समितिले बुझायो प्रतिवेदन, जोगिएला त अध्यक्ष ढुंगानाको पद ?

वि.सं.२०७८ असोज ५ मंगलवार १६:४७

काठमाडौं । नेपाल धितोपत्र बोर्डका अध्यक्ष भिष्मराज ढुंगानामाथि लागेको आरोपको...

मैलुङ खोलाको आईपीओ नेप्सेमा सूचीकृतः भोलिदेखि नै कारोबार हुने, यस्तो छ ओपन रेञ्जको संकेत

मैलुङ खोलाको आईपीओ नेप्सेमा सूचीकृतः भोलिदेखि नै कारोबार हुने, यस्तो छ ओपन रेञ्जको संकेत

वि.सं.२०७८ असोज ५ मंगलवार १६:२३

काठमाडौं । नेपाल स्टक एक्चेञ्ज(नेप्सेमा मैलुङ खोला जलविद्युत कम्पनीको आईपीओ...

भोलिदेखि आउँदैछ ७० करोडको नयाँ आईपीओ, कति र कहिलेसम्म दिने आवेदन ?

भोलिदेखि आउँदैछ ७० करोडको नयाँ आईपीओ, कति र कहिलेसम्म दिने आवेदन ?

वि.सं.२०७८ असोज ५ मंगलवार १५:५७

काठमाडौं । भोलि अर्थात असोज ६ गते बुधवारदेखि साहस उर्जाको...

दुई बैंकसहित चार कम्पनीमा झुम्मिए लगानीकर्ता, कुनको कति कित्ता बिक्री भयो सेयर ?

दुई बैंकसहित चार कम्पनीमा झुम्मिए लगानीकर्ता, कुनको कति कित्ता बिक्री भयो सेयर ?

वि.सं.२०७८ असोज ५ मंगलवार १५:३०

काठमाडौं । साता दोस्रो कारोबार दिन सेयर बजार दोहोरो अंकले...