काठमाडौं । नीजि क्षेत्रको ठूलो दूरसञ्चार सेवा प्रदायक कम्पनीले एनसेलका कर्मचारीले गरेको आन्दोलन सहतमा देखिएको छ ।
एनसेल कर्मचारी ट्रेड यूनियनले १९ गतेदेखि सुरु गरेको आन्दोलनको बोधार्थ श्रम तथा रोजगार कार्यालय टेकु र दुरसञ्चार प्राधिकरण जमललाई समेत गराएका छन् ।
कम्पनिले मानसिक यातना दिएको, कोरोना विरुद्धको खोपमा विभेद गरेको लगायत आरोप लगाएका छन् । कम्पनिले युनियनकै अध्यक्षलाई धम्कीपूर्ण पत्र लेख्ने र कर्मचारीहरूलाई निकाल्ने तथा सुरुवा गर्ने गरेकाले आफूहरू बाध्य भएर विरोधमा उत्रिनु परेको कम्पनीका एक कर्मचारीले बताउनुभयो ।
उहाँले भन्नुभयो, ‘यति ठूलो कम्पनिले हामीलाई अन्याय गर्यो । पहिला पनि चार जना कर्मचारीलाई कारवाही गर्यो । अहिले विधि प्रक्रियाको नाममा कर्मचारीलाई सरुवा गरियो । युनियनकै अध्यक्षलाई धम्कीपूर्ण पत्र लेखियो, हरेक दुई–दुई बर्षमा हुने सामुहिक सौदावाजीमा पेश भएका जायजम माग पनि सम्बोधन भएनन् । त्यही भएर विरोध गरेका हौं ।’
एनसेलको मुख्यालयमा कालो ब्यानरसहित प्रदर्शनमा उत्रिएका कर्मचारीहरूले डेभलपमेन्ट पोष्टिङका नाममा हुने गरिएको सरुवा बन्द गर्न र कर्मचारीमाथिको अन्यायपूर्ण कारवाही फिर्ता गर्न माग गरेका छन् । आन्दोलनरत कर्मचारीहरुको ट्रेड यूनियनले प्राधिकरणलाई पत्र लेख्दै एनसेल कर्मचारी ट्रेड युनियन एनसेल आजियाटामा रहेका कर्मचारीहरु शान्तिपूर्ण संघर्षका कार्यक्रमहरु वाध्य भएर सूचारू गरेको जनाएको छ ।
एनसेल व्यवस्थापनले सामुहिक सौदाबाजी कोरोना महामारिको दौरानमा कर्मचारीहरुलाई बर्खास्त गर्ने, बलपूर्वक सरूवा गर्ने,
गैरकानूनी तबरमा चेताबनी दिने र सामुहिक सौदाबाजीका बिबादलाई समाधान नगर्ने कर्मचारीहरुमा त्रास र भयको वातावरण सिर्जना गर्न विभिन्न गतिविधिहरु संचालन गरेको जानकारी गराएको छ ।
अहिले बन्दाबन्दि खुकुलो भएको सार्वजनिक यातायात सहज सूचारू र सरकारी तथा गैर सरकारी कार्यालयहरु पनि पूर्णरूपमा खुलिसकेको अवस्थामा एनसेल जस्तो अत्यावश्यक सेवा प्रदायक संस्थाले आफ्ना कार्यालयहरु बन्द गरेको र कर्मचारीहरुलाई कार्यालय नआउन उर्दी जारी गरि कार्यालय समय भन्दा पछिको समयमा र बिदाका दिनमा समेत काममा लगाई मानसिक तनाब तथा यातना दिने काम पत्रमा उल्लेख छ ।
अत्यावश्यक सेवा प्रदायक संस्थामा काम गर्ने कर्मचारीहरुलाई सरकारले खोपलाई प्राथमिकता दिएको भएपनि एनसेल
व्यवस्थापनले सो को व्यवस्थापन नगरेको र सिमित खोफहरु मगाई भेदभाब पूर्ण तबरले केही कर्मचारीलाई मात्र लगाएको जानकारी गराइएको छ । यूनियनले खोपको लागि सम्बन्धित सरकारी निकायमा पहल गर्न आग्रह गरेको छ ।
साथै युनियले श्रम कार्यालयलाई पत्र लेख्दै ट्रेड युनियनका सदस्यलाई माहामारीको दौरानमा एकतर्फी कानुन बिपरित बर्खास्त गरेको जानकारी गराएका छन् । कर्मचारीले काम गरेर खान पाउने अधिकार र मानब धर्म बिपरित महामारीको समयमा कर्मचारीको बर्खास्ती बलपूर्वक सरुवा, कानुन र सामुहिक सौदाबाजीको उल्लंघन तथा ट्रेड युनियन पदाधिकारी तथा सामुहिक सौदाबाजी समितिका सदस्यहरुलाई औपचारिक रुपमा गैरकानुनी तवरमा चेतावनी दिने कार्य गरेको भएको जानकारी गराएका छन् ।
यूनियले सरकारले तोकेको स्वास्थ्य सम्बन्धि सुरक्षाका मापदण्डहरू पूर्णरूपमा पालना गरी अत्यावश्यक सेवा प्रदानमा बाधा नपुर्याई असार १९ गतेदेखि देखि शान्तिपूर्ण तथा संघर्षका कार्यक्रम गरेको जानकारी गराएका छन् ।
वि.सं.२०७८ असार २३ बुधवार १५:२१ मा प्रकाशित
