काठमाडौं । बीमा समितिले जीवन बीमालेख सम्बन्धी निर्देशिका-२०७८ जारी गरेको छ । उक्त निर्देशिकामा बीमकले बीमालेख तयार पार्दा ध्यान दिनुपर्ने कुरा समावेश गरिएको छ ।
जसमा बजार अनुसन्धान प्रतिवेदन, लागत-लाभ विश्लेषण, जोमिमको पहिचान, बीमालेख बजारीकरणको योजना उल्लेख रहेको छ । निर्देशिकामा बीमालेख तयार गर्दा न्यूनतम ५ वर्ष अवधि र म्यादी जीवन बीमाको हकमा न्यूनतम बीमा अवधि एक वर्ष कायम गर्न सकिने उल्लेख छ ।
निर्देशिकामा बीमले बीमालेख अन्तर्गन पुरा तीन वर्षको बीमाशुल्क प्राप्त भई बीमा प्रारम्भ मितिबाट ३ वर्ष पुरा भएपछि तथा एकल बीमाशुल्क भुक्तानी गर्ने बीमालेखको हकमा समेत बीमा प्रारम्भ मितिबाट ३ वर्ष पुरा भएपछि बीमालेख समर्पण गर्न तथा बीमालेख धितो राखी ऋण प्रदान गर्न सकिने उल्लेख छ ।
बीमालेख जारी भएको ३ वर्ष पुरा भएपछि बीमाशुल्कको ८० प्रतिशत र आजित बोनस, बीमा लेख जारी भएको ४ वर्ष पुार भएपछि बीमा शुल्कको ५० प्रतिश र बोनस, ५ वर्ष पुार भएपछि ९० प्रतिशत र बोनस तथा ऋणको रकम बढीमा समर्पण मूल्यको ९० प्रतिशत र घटीमा १ हजार सम्म काम गर्नुपर्ने छ ।
बीमकले बीमालेख कर्जा दिँदा लिने ब्याज वाणिज्य बैंकले तोकेको ब्याजदर भन्दा बढी हुन नहुने निर्देशिकामा उल्लेख छ ।
यस्तै बीमकले बीमालेख स्वीकृत भएको बढीमा ६ महिन भित्र प्रचलनमा ल्याई सक्नुपर्ने छ । ६ महिनामा प्रचलनमा नल्याए स्वत रद्द हुने छ ।
बीमकले बीमालेखको विज्ञापन गर्दा समितिबाट स्वीकृत शर्त बन्देज लगायतका व्यवस्था प्रतिकूल हुनेगरी र दोहोरो अर्थ नलाग्ने वा अस्पष्ट शब्दावली प्रयोग गरी विज्ञापन गर्न भने पाइने छैन । बीमकले भ्रममा पारी बीमालेख बिक्री गर्न नपाउने भएका छन् ।
जीवन बीमालेख सम्बन्धी निर्देशिकाको पूर्णपाठ हेर्नका लागि यहाँ क्लिक गर्नुहोस ।
वि.सं.२०७८ असार २३ बुधवार १८:२१ मा प्रकाशित
