काठमाडौं । लक्ष्मी बैंकले असार २८ गते सोमबारदेखि २ अर्ब रुपैयाँ बराबरको ऋणपत्र बिक्री गर्ने भएको छ । ८ प्रतिशत ब्याजदरकाको २० लाख कित्ता ऋणपत्र निष्कासन गर्न नेपाल धितोपत्र बोर्डबाट असार १५ गते स्वीकृति पाएको थियो ।
बैंकले २० लाख कित्ता ऋणपत्रमध्ये ८ लाख कित्ता ऋणपत्र सर्वसाधारणको लागि निष्कासन गर्नेछ भने १२ लाख कित्ता ऋणपत्र व्यक्तिगत तबरबाट बिक्री गर्ने लागेको हो ।
प्रतिऋणपत्र १ हजार रुपैयाँ अंकित दरको १० वर्षे उक्त ऋणपत्र खरिदका लागि असार ३१ गतेसम्म आवेदन दिन सकिने बैंकले जनाएको छ । माग बमोजिम आवेदन नपरेको खण्डमा भने साउन ११ गतेसम्म आवेदन दिन सकिने बताइएको छ ।
उक्त ऋणपत्र खदिदका लागि न्युनतम २५ कित्तादेखि अधिकतम १ लाखकित्तासम्म आवेदन दिन सकिने बैंकले जनाएको छ । ऋणपत्र निष्काशन तथा बिक्री प्रबन्धकमा सिभिल क्यापिटल लिमिटेड रहेको छ ।
वि.सं.२०७८ असार २५ शुक्रवार १३:३८ मा प्रकाशित