काठमाडौं । नबिल बैंक र युनाईटेड फाइनान्स कम्पनीले असार २७ गतेदेखि एकीकृत कारोबार गर्ने भएका छन् । युनाइटेड फाइनान्स कम्पनीलाई मर्जर गरेको नबिल बैंकले आउँदो सोमाबरदेखि एकीकृत कारोबार गर्ने भएको हो ।
नेपाल राष्ट्र बैंकले दुवै कम्पनीको विशेष साधारणसभाको निर्णय बमोजिम मर्जर प्रक्रियाका लागि असार १५ गते अन्तिम स्वीकृती दिइसकेको छ ।
दुवै कम्पनीको असार ५ गते विशेष साधारणसभा गरेर मर्जर सम्बन्धी विशेष प्रस्ताव पारित गरिसकेका छन् । बैंकका अनुसार कम्पनी रजिष्ट्रार कार्यालयले असार १८ गते स्वीकृती दिएको छ ।
बैंकले फाइनान्सलाई १००ः३५ स्वाप रेसियो अनुपातमा मर्जर गरेको हो । फाइनान्सको १०० कित्ता सेयर हुने लगानीकर्ताको अब नबिल बैंकको नाममा ३५ कित्ता सेयर हुनेछ ।
वि.सं.२०७८ असार २५ शुक्रवार १४:०४ मा प्रकाशित