काठमाडौं । नेपाल धितोपत्र बोर्डका पूर्व अध्यक्ष डा. रेवत बहादुर कार्कीले बैंकका सहायक कम्पनीलाई दिन किन ढिला गरेको भन्दै प्रश्न गर्नु भएको छ ।
बोर्डले आगामी आवको नीति तथा कार्यक्रमको लागि सुझाव लिन आयोजना गरेको कार्यक्रममा यस्तो प्रश्न गर्नु भएको हो । उहाँले बैंकका सहायक कम्पनीलाई बोकर लाईसेन्स दिएको खण्डमा बजार र लगानीकर्ताको हित गर्ने, बजारमा स्थायित्व आउने बताउनुभयो । उहाँले तत्कालै बैंकका सहायक कम्पनीलाई ब्रोकरको काम गर्न दिन आग्रह गर्नु भएको छ ।
कार्यक्रममा उहाँले सेयर बजारलाई संरचनागत रुपमा हेर्दा मूल्य, कारोबार इन्डेक्स सामान्य रहेको र सूचीकृत कम्पनी धेरै थपिन नसकेको भन्दै यसतर्फ ध्यान दिन आग्रह गर्नुभयो ।
उहाँले अहिले पनि ९० प्रतिशत लगानीकर्ता हल्लाको भरमा कारोबार गर्ने परम्परा कायमै रहेको धारणा राख्नुभयो । उहाँले बजारलाई स्थायित्व आवश्यक रहेको र सोही अनुसार काम गर्न आग्रह गर्नुभयो । कार्कीले ब्रोकरको पुँजी बढेपछि ब्रोकरको क्षमता बढाउन आवश्यक रहेको र एडभाइजरी सुझावको काम गर्न दिनुपर्ने बताउनुभयो ।
कार्कीका अनुसार अहिले पनि अनलाइन प्रणालीमा बारम्बार समस्या आइरहेको भन्दै १८, २० अर्बको कारोबार यो अनलाइन प्रणालीले थेग्न नसक्ने बताउनुभयो । सरकारी स्टक २०६४ देखि कर्पोरेट मोडलमा जाने भनेपनि अहिलेसम्म त्यो काम हुन नसकेको बताउनुभयो । कार्यक्रममा कार्कीले नेप्से र सिडिएससीको क्षमता सुधार आवश्यक रहेको बताउनुभयो ।
वि.सं.२०७८ असार २५ शुक्रवार १५:२० मा प्रकाशित