काठमाडौं । केही समयको गिरावटपछि सेयर बजारका लगानीकर्ताको अनुहारमा पुनः खुसी फर्किएको छ ।
साताको पहिलो दिन आइतबार कारोबारको सुरुदेखि नै सुधारको बाटोमा लागेको बजार अन्तिम समयमा दोहोरो अंकको बढोत्तरीमा रोकिएको छ ।
बजार मापन गर्ने सूचक ७४.७१ अंकले बढेर परिसूचक २८९९.८२ बिन्दुमा रोकिएको छ । २२५ कम्पनीको ३ करोड १५ लाख ८८ हजार ८५० कित्ता सेयर ८ अर्ब ६ करोड १३ लाख ८२ हजार ४९६ रुपैयाँको सेयर किनबेच भएको छ ।
केही समयपछि बजारमा दोहोरो अंकको सुधार आउँदा कारोबार सबै समूहको उपसूचकमा सुधार देखिएको छ । यो दिनको कारोबारमा बैंकिङ, विकास बैंक, जलविद्युत, वित्त कम्पनी, निर्जीबन बीमा, माइक्रोफाइनान्स, जीवन बीमा समूहको उपसूचकमा निकै सुधार देखिएको छ ।
अन्य समूहको उपसूचकमा पनि सुधार देखिएको छ । आइतबारको कारोबारमा कारोबार रकमको आधारमा एनआईसी एसिया बैंक अग्रस्थानमा देखिएको छ । बैंकको ३९ करोड ९६ लाख ११ हजार ५९५ रुपैयाँको सेयर किनबेच भएको छ । यस्तै दोस्रो र तेस्रो स्थानमा क्रमशः नबिल बैंक र नेपाल बैंक रहेका छन् ।
वि.सं.२०७८ असार २७ आइतवार १५:१८ मा प्रकाशित