काठमाडौं । एनएलजी इन्स्योरेन्स कम्पनीले १५औं वार्षिक साधारणसभाका लागि मिति तय गरेको छ । कम्पनीले साउन २१ गते सभा गर्ने भएको हो ।
कम्पनीको असार २७ गते बसेको सञ्चालक समितिको बैठकले उक्त दिन कोरोना महामारीको जोखिमलाई मध्यनजर गर्दै भर्चुअल माध्यमबाट सभा गर्ने निर्णय गरेको हो ।
सभाले आर्थिक वर्ष २०७६/७७ को नाफाबाट सेयरधनीहरुलाई १० प्रतिशत बोनस सेयर कर प्रयोजनका लागि ०.५३ प्रतिशत नगद लाभांश वितरण गर्ने प्रस्ताव पारित गर्नेछ ।
यस्तै, गत आर्थिक वर्षको वार्षिक प्रतिवेदन छलफल गरी पारित गर्नुका साथै लेखा परीक्षकको नियुक्ति र निजको पारिश्रमिक निर्धारण गर्नुका साथै कम्पनीको प्रवन्धपत्र तथा नियमावलीमा संशोधन पनि गर्ने भएको छ ।
साधारण सभा र लाभांश प्रयोजनका लागि साउन १४ गते (एक दिन) बुक क्लोज गर्ने कम्पनीले जनाएको छ ।
वि.सं.२०७८ असार २८ सोमवार १३:५३ मा प्रकाशित