काठमाडौं । माछापुच्छ्रे बैंकले असार ३१ गतेदेखि ऋणपत्र निष्काशन बिक्री खुला गर्ने भएको छ । बैंकले १० वर्षे अवधि तथा वार्षिक ८.५ प्रतिशत ब्याजदर भएको उक्त ऋणपत्र बिक्री गर्न लागेको हो ।
प्रतिकित्ता १ हजार रुपैयाँ अंकित दरका ३ अर्ब रुपैयाँ बराबरको ३० लाख कित्ता ऋणपत्र निष्कासन गर्न लागेको बैंकले जनाएको छ ।
जसमध्ये कम्पनीले १ अर्ब २० करोड रुपैयाँ बराबरको १२ लाख कित्ता सर्वसाधारणलाई बिक्री गर्नेछ भने बाँकी १ अर्ब ८० करोड रुपैयाँ बराबरको १८ लाख कित्ता व्यक्तिगत तवरबाट बिक्री गर्ने भएको हो ।
सर्वसाधारणका लागि निष्कासन गरिएकोमध्ये ५ प्रतिशत अर्थात ६० हजार कित्ता ऋणपत्र कम्पनीले सामूहिक लगानी कोषका लागि छुट्याएको छ ।
उक्त ऋणपत्र खरीदका लागि न्यूनतम २५ कित्तादेखि अधिकतम ५ लाख कित्तासम्म आवेदन दिन सकिनेछ । आवेदन छिटोमा साउन ४ गते र ढिलोमा साउन १७ गतेसम्म आवेदन दिन सकिने सूचनामा उल्लेख छ ।
ऋणपत्र निष्काशन गर्नका लागि असार १६ गते बोर्डबाट अनुमति पाएको हो । उक्त ऋणपत्रको निष्काशन तथा बिक्री प्रबन्धकमा नबिल इन्भेष्टमेन्ट बैंकिङ्ग रहेको छ ।
वि.सं.२०७८ असार २८ सोमवार १४:२९ मा प्रकाशित