काठमाडौं । सर्वोच्च अदालतले प्रतिनिधि सभा विघटन बदर गर्दै नेपाली काँग्रेसका सभापति सेयर बहादुर देउवालाई सरकारको नेतृत्व गर्न परमादेश दिएलगत्तै त्यसको असर पुँजी बजारमा देखिएको छ ।
सर्वोच्चको आदेशसँगै ओली नेतृत्वको सरकार ढलेको छ । जसको असर बजारमा देखिएको छ । ओली सरकारको अर्थमन्त्री बिष्णु प्रसाद पौडेल सेयर बजारले निकै रुचाईएका मन्त्री हुन ।
पौडेल यसअघि मन्त्री हुँदा सेयर बजारले १८८१.१२ अंकमा पुगेर रेकर्ड राखेको थियो । त्यो रेकर्ड जेठ ३१ गते तोडिएर अहिलेसम्मकै ३०२५ बिन्दुमा पुगेर नयाँ रेकर्ड बनेको थियो । त्यसपछि बजार पुन फर्केको छ ।
आइतबार दोहोरो अंकले बढेको सेयर बजारमा सोमबार सोही अनुरुपमा गिरावट आएको छ । कारोबारको सुरुदेखि नै गिरावट देखिएको बजार अन्तिम समयसम्म पनि फर्कन सकेन ।
नेप्से मापन गर्ने सूचक ४४.९८ अंकले घटेर परिसूचक २८५४.८४ बिन्दुमा रोकिँदा करोबार रकम भने निकै बढेको छ । यो दिन २२९ कम्पनीको २ करोड ६० लाख २१ हजार १०४ कित्ता सेयर ९ अर्ब ९८ करोड २६ लाख ५२६ रुपैयाँको सेयर किनबेच भएको छ ।
सोमबारको कारोबारमा म्यूचुअल फण्ड बाहेक सबै समूहको उपसूचकमा गिरावट आएको छ । यो दिनको कारोबारमा बैंकिङ समूहको उपसूचक २२.५, होटल १०६.८८, विकास बैंक ९७.९७, जलविद्युत ६०.१३, निर्जीबन बीमा २४०.७१, उत्पादन तथा प्रशोधन ११८.५४, माइक्रोफाइनान्स ७२.५२, जीबन बीमा समूहको उपसूचकमा २५४.६७ अंकको गिरावट देखिएको छ ।
वि.सं.२०७८ असार २८ सोमवार १५:१२ मा प्रकाशित
