काठमाडौं । मुक्तिनाथ विकास बैंकले असार ७ गतेदखि ऋणपत्र निष्काशन तथा बिक्री गर्ने भएको छ । बैंकले ७ वर्षे अवधि रहेको ‘८.७५ प्रतिशत मुक्तिनाथ डिबेञ्चर २०८४-८५’ निष्काशन गर्न लागेको हो ।
बैंकले प्रतिकित्ता १ हजार रुपैयाँ अंकित मूल्यका १ अर्ब २५ करोड रुपैयाँ बराबरको १२ लाख ५० हजार कित्ता ऋणपत्र बिक्री गर्न लागलेको छ ।
जसमध्ये ५० करोड रुपैयाँ बराबरको ५ लाख कित्ता सर्वसाधारणलाई बिक्री गरिनेछ भने बाँकी ७५ करोड रुपैयाँ बराबरको ७ लाख ५० हजार कित्ता व्यक्तिगत तवरबाट बिक्री गरिने बैंकले जनाएको छ ।
सर्वसाधारणलाई बिक्री गरिने कुल सेयरमध्ये ५ प्रतिशत अर्थात २५ हजार कित्ता ऋणपत्र सामूहिक लगानी कोषलाई छुट्याइएको थियो । जसमध्ये १ हजार ५०० कित्ता बाँडफाँड गरिएको बैंकले जनाएको छ ।
उक्त ऋणपत्र खरिदका लागि साउन ११ गतेसम्म र तोकिएको अवधिसम्म पूर्ण आवेदन नपरेमा साउन २१ गतेसम्म दिन सकिने बैंकले जनाएको छ ।
उक्त ऋणपत्र खरिद गर्दा न्यूनतम २५ कित्तादेखि अधिकतम ५ लाख कित्तासम्मका लागि आवेदन दिन सक्नेछन् ।
वि.सं.२०७८ असार २८ सोमवार १२:१४ मा प्रकाशित
