काठमाडौं । युनियन लाइफ इन्स्योरेन्सको आईपीओमा अहिलेसम्मकै बढी आवेदन परेको छ ।
कम्पनीले आईपीओमा पर्ने आवेदनमा नयाँ रेकर्ड कायम गरेको छ । बिक्री प्रबन्धक प्रभु क्यापिटलका अनुसार साँझ ५ जबेसम्म २१ लाख ७२ हजार ८६८ जना ३ करोड ४३ लाख ६१ हजार ८२० कित्ताका लागि आवेदन दिएका छन् । यो संख्या अझै बढने सक्ने क्यापिटलले जानकारी गराएको छ ।
कम्पनीले असार २४ गतेदेखि प्रतिकित्ता १०० रुपैयाँका दरले ६४ लाख ५० हजार कित्ता आईपीओ निष्काशन गरेको थियो । जसमा ३ लाख २२ हजार ५०० कित्ता कम्पनीका कर्मचारी र ३ लाख २२ हजार ५०० कित्ता म्युचुअल फन्डको लागि छुट्याइएको थियो । बाँकी ५८ लाख ५ हजार कित्तामा सर्वसाधारणले आवेदन दिन सक्ने व्यबस्था गरेको थियो ।
वि.सं.२०७८ असार २८ सोमवार १८:१४ मा प्रकाशित