काठमाडौं । एनआईसी एशिया बैंकले निष्काशन गरेको ८ दशमलव ५ प्रतिशत ब्याजदरको ऋणपत्र बाँडफाँड भएको छ ।
असार ६ गतेदेखि असार ३० गतेसम्म बैंकले प्रतिऋणपत्र १ हजार रुपैयाँका दरले ३० लाख कित्ताले हुन आउने ३ अर्ब बराबरको ऋणपत्र निष्काशन गरेको थियो ।
३० लाख कित्तामध्ये १२ लाख कित्ता सर्वसाधारणमा र १८ लाख कित्ता व्यक्तिगत तवरबाट विभिन्न संघसंस्थाहरुलाई विक्री गर्न लागेको हो । बिक्री प्रबन्धकमा सनराइज क्यापिटल लिमिटेड रहेको छ ।
सर्वसाधारणका लागि छुट्याएको मध्ये ५ प्रतिशत दरको ६० हजार कित्ता सामूहिक लगानीकोषका लागि सुरक्षित गरिएको कम्पनीले जनाएको छ ।
रितपूर्वक ऋणपत्रका लागि प्राप्त आवेदनहरु सम्पूर्ण आवेदकलाई बिक्री प्रबन्धक सनराइज क्यापिटलले असार २५ गते शुक्रवार बाँडफाँड गरेको हो बैंकले जनाएको छ ।
वि.सं.२०७८ असार २९ मंगलवार १०:२६ मा प्रकाशित
