काठमाडौं । राष्ट्रपति विद्यादेवी भण्डारीले नेपाली कांग्रेसका सभापति शेरबहादुर देउवा प्रधानमन्त्रीमा नियुक्त गर्नुभएको छ ।
सर्वोच्च अदालतको परमादेशसँगै राष्ट्रपति भण्डारीले देउवालाई प्रधानमन्त्रीमा नियुक्त गर्नुभएको हो ।
राष्ट्रपतिका प्रेस सल्लाहकार टीका ढकालका अनुसार देउवालाई भण्डारीले संविधानको धारा ७६ को उपधारा ५ बमोजिम प्रधानमन्त्रीमा नियुक्त गर्नुभएको हो ।
उहाँका अनुसार आजै उहाँको शपथ ग्रहण हुने छ । देउवा यसअघि २०५२, २०५८, २०६१ र २०७४ सालमा प्रधानमन्त्री बनिसक्नुभएको छ । यो सहित देउवा पाँचौ पटक प्रधानमन्त्री बन्नु भएको हो ।
वि.सं.२०७८ असार २९ मंगलवार १३:३० मा प्रकाशित