काठमाडौं । ज्योति विकास बैंकको ऋणपत्रमा आवेदन दिने आज अन्तिम दिन हो ।
आज कार्यालय समय भित्र ऋणपत्रमा आवेदन दिइसक्नुपर्ने छ । बैंकले असार २० गतेदेखि १ अर्ब ५० करोड रुपैयाँको १५ लाख इकाई ऋणपत्र बिक्री खुला गरेको छ ।
जसमा ९ लाख इकाई बैंकले विभिन्न संघसंस्थाहरुलाई बिक्री गर्नेछ भने ६ लाख इकाईमा सर्वसाधारण लगानीकर्ताले आवेदन दिनेछन् । वार्षिक ९ प्रतिशत ब्याज रहेको ऋणपत्र २०८७ मा परिपक्क हुनेछ ।
प्रतिइकाई १ हजार रुपैयाँको दरले न्यूनतम २५ देखि अधिकतम ३० हजार इकाइसम्म आवेदन दिन सकिने छ । आवेदन सी–आस्वा सदस्य रहेका बैंक तथा वित्तीय संस्था र मेरो सेयरबाट दिन सकिने छ । यसको बिक्री प्रबन्धकमा एनआइबीएल एस क्यापिटलले गरेको छ ।
वि.सं.२०७८ असार ३० बुधवार १०:२१ मा प्रकाशित