काठमाडौं । एक्सेल डेभलपमेन्ट बैंकले संस्थापक सेयर बिक्री गर्ने भएको छ । बैंकका संस्थापक कृष्णकली बस्नेतले आफ्नो नाममा रहेको ५० हजार कित्ता सेयर बिक्री गर्न लाग्नुभएको हो ।
उक्त सेयर खरिद गर्न इच्छुक बैंकका हाल कायम संस्थापक सेयरधनीहरुले आजैका मितिले २५ दिन भित्र आवश्यक कागजातसहित निवेदन दिन सक्नेछन् ।
उक्त सेयरमा तोकिएको म्याद भित्र हालसम्म कायम संस्थापक सेयरधनीले सेयर खरिदका लागि इच्छा जाहेर नगरे वा आवेदन नपरेमा प्रचलित कानुन बमोजिम अन्य व्यक्तिलाई बिक्री गर्ने बैंकले जनाएको छ ।
आवेदन बैंकको केन्द्रिय कार्यालय विर्तामोडमा खरिद गर्न चाहेको सेयर कित्ता खुलाई निवेदन दिनुपर्ने सूचनामा उल्लेख छ ।
वि.सं.२०७८ साउन १ शुक्रवार ११:२८ मा प्रकाशित