काठमाडौं । कामना सेवा विकास बैंकले गत आर्थिक वर्षको चौथो त्रैमासको वित्तीय अवस्था सार्वजनिक गरेको छ ।
यो अवधिमा कम्पनीले ७० करोड २ लाख ४० हजार रुपैयाँ पुगेको छ । जुन गत आजको सोही अवधिको तुलनामा ४८४.९० प्रतिशतले बढी हो । अघिल्लो आवको सोही अवधिमा बैंकको नाफा ११ करोड ९७ लाख १९ हजार रुपैयाँ रहेको थियो । यो अवधिमा बैंकको वितरणयोग्य नाफा ४३ करोड ४५ लाख २१ हजार रुपैयाँ रहेको छ ।
असार मसान्तसम्म बैंकको खुद ब्याज आम्दानी १ अर्ब १४ करोड ७१ लाख ३२ हजार रुपैयाँबाट बढेर १ अर्ब ४९ कराड ३ लाख २५ हजार रुपैयाँ पुगेको छ । यो अवधिका बैंकको सञ्चालन नाफा पनि १६ करोड ५७ लाख ३० हजार रुपैयाँबाट बढेर ७१ करोड ९६ लाख ३७ हजार रुपैयाँ पुगेको छ ।
२ अर्ब ६५ करोड १९ लाख ६३ हजार रुपैयाँ चुक्ता पुँजी भएको बैंकको जगेडा कोषमा ८४ करोड ४३ लाख ४९ हजार रुपैयाँ रहेको छ ।
यो अवधिमा ४४ अर्ब ४५ करोड १ लाख ६६ हजार रुपैयाँ निक्षेप संकलन गरेको बैंकले ३८ अर्ब ८२ करोड ९१ लाख ८३ हजार रुपैयाँ कर्जा लगानी गरेको छ ।
खराब कर्जा १.७९ प्रतिशतबाट घटेर १.५० प्रतिशत रहेको बैंकको प्रतिसेयर आम्दानी २६ रुपैयाँ ४० पैसा रहेको छ भने प्रतिसेयर नेटवर्थ १४८ रुपैयाँ ६१ पैसा छ ।
वि.सं.२०७८ साउन ३ आइतवार १०:५६ मा प्रकाशित
