काठमाडौं । साताको पहिलो कारोबार दिन सुनको मूल्यमा गिरावट आएको छ । आइतबार छापावाला सुनको मूल्य तोलामा ६ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार शुक्रवार ९३ हजार २ सय रुपैयाँमा कारोबार भएको सुन आज घटेर ९२ हजार ६ सय रुपैयाँ कायम भएको जनाएको छ ।
उक्त दिन नेपाली बजारमा तेजावी सुनको मूल्य ९२ हजार १ सय रुपैयाँ निर्धारण गरिएको महासंघले जनाएको छ । अघिल्लो कारोबार दिन अर्थात शुक्रवार ९२ हजार ७ सय रुपैयाँमा खरिदबिक्री भएको थियो ।
यस्तै, आज चाँदीको मूल्यमा पनि गिरावट आएको छ । आज तोलामा २५ रुपैयाँले घटेको चाँदी भाउ १२ सय ९५ रुपैयाँ कायम भएको महासंघले जनाएको छ । अघिल्लो दिन १३ सय २० रुपैयाँमा कारोबार भएको थियो ।
वि.सं.२०७८ साउन ३ आइतवार ११:४५ मा प्रकाशित
