काठमाडौं । आज लक्ष्मी बैंकको ऋणपत्रमा आवेदन दिने अन्तिम दिन रहेको छ । बैंकले असार २८ गतेदेखि निष्कासन तथा बिक्री खुला गरेको ऋणपत्रमा आज बैंकिङ समयसम्म आवेदन दिन सकिने छ ।
वार्षिक साढे ८ प्रतिशत ब्याजदरमा बैंकले प्रतिऋणपत्र १ हजार अंकित दरको ‘८.५% लक्ष्मी बैंक डिबेन्चर २०८८’ नामको १० वर्षे अवधिको २ अर्ब बराबरको २० लाख कित्ता ऋणपत्र बैंकले बिक्री गरेको हो ।
बैंकले २० लाख कित्ता ऋणपत्रमध्ये ८ लाख कित्ता ऋणपत्र सर्वसाधारणको लागि निष्कासन गर्नेछ भने १२ लाख कित्ता ऋणपत्र व्यक्तिगत तबरबाट बिक्री गर्ने लागेको हो ।
उक्त ऋणपत्र खदिदका लागि न्युनतम २५ कित्तादेखि अधिकतम १ लाखकित्तासम्म आवेदन दिन सकिने बैंकले जनाएको छ । ऋणपत्र निष्काशन तथा बिक्री प्रबन्धकमा सिभिल क्यापिटल लिमिटेड रहेको छ ।
वि.सं.२०७८ साउन ५ मंगलवार १२:१० मा प्रकाशित