काठमाडौं । सेयर बजारमा गिरावट आउँदा कारोबार रकम पनि घटेको छ । मंगलबारको कारोबारमा नेप्से मापन गर्ने सूचक ९.०१ अंकले घटेर परिसूचक २९८५.५७ बिन्दुमा रोकिएको छ ।
२१९ कम्पनीको ३ करोड १६ लाख ८ हजार १९३ कित्ता सेयर ७ अर्ब ८९ करोड ७५ लाख ९४ हजार २६९ रुपैयाँको सेयर किनबेच भएको छ ।
अहिले लगानीकर्ताहरु नाफा बुक गर्न लाग्दा बजारमा सामान्य गिरावट देखिएको बताइने गरेको छ ।
नयाँ आर्थिक वर्ष सुरुभएसँगै कम्पनीहरुले आफ्नो बार्षिक वित्तीय अवस्थाको जानकारी गराउन सुरु भएको, लाभांश समेत घोषणा सुरु भएको छ । यो दिनको कारोबारमा चालु आर्थिक वर्षको लागि पहिलो पटक लाभांश घोषणा गरेको लक्ष्मी म्युचुअल फण्डको सेयर मूल्य १० प्रतिशतले बढेको छ । कारोबारमा म्युचुअल फण्डमा लगानीकर्ताको आकर्षण निकै देखिएको छ । कारोबारमा अधिकांश समूहको उपसूचकमा गिरावट देखिएको छ ।
यो दिनको कारोबारमा बैंकिङ समूहको उपसूचक ०.७४, विकास बैंक ३८.२२, फाइनान्स कम्पनी ३२.४३, निर्जीबन बीमा १८८.१६, माइक्रोफाइनान्स २७.११, जीवन बीमा समूहको उपसूचकमा १२९.९५ अंकको गिरावट देखिएको छ ।
वि.सं.२०७८ साउन ५ मंगलवार १५:१७ मा प्रकाशित
