काठमाडौं । बिहीवार सुनको मूल्यमा गिरावट आएको छ । उक्त दिन नेपाली बजारमा सुनको मूल्य तोलामा ७ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार अघिल्लो दिन ९२ हजार ५ सय रुपैयाँमा कारोबार भएको छापावाला सुनको मूल्य आज भने घटेर ९१ हजार ८ सय रुपैयाँ कायम भएको जनाएको छ ।
आज तेजावी सुनको मूल्य ९१ हजार ३ सय रुपैयाँ निर्धारण भएको छ । अघिल्लो दिन ९२ हजार रुपैयाँमा खरिदबिक्री भएको महासंघले जनाएको छ ।
यस्तै, बिहीवार चाँदीको मूल्य भने वृद्धि भएको छ । आज तोलामा १० रुपैयाँले वृद्धि भएको चाँदीको भाउ १२ सय ७० पुगेको छ । अघिल्लो दिन १२ सय ६० रुपैयाँमा खरिदबिक्री भएको महासंघले जनाएको छ ।
वि.सं.२०७८ साउन ७ बिहीवार ११:२९ मा प्रकाशित
