फाइल फोटो
काठमाडौं । यातायात व्यवसायीहरु आन्दोलित भएका छन् । व्यवसायीहरुले काठमाडौंमा सवारी साधनसहितको र्याली निकालेर आन्दोलित भएका हुन् ।
सार्वजनिक यातायात केन्द्रीय महासंघ सात बुदे मागसहित सडकमा उत्रिएको हो । महासंघले सम्पूर्ण यातायात श्रमिक र व्यवसायीलाई कोरोना विरुद्धको खोप खोपको तत्कालै व्यवस्था गर्न, यातायातको भाडादर समायोजन गर्न लगायतका माग राखेको छ ।
महासंघले पटक–पटक आफ्ना मागका बारेमा सरकारलाई ध्यानाकर्षण गराएपनि नसुनेपछि बाध्य भएर आन्दोलित हुनुपरेको सार्वजनिक यातायात केन्द्रीय महासंघका अध्यक्ष डोलनाथ खनालले बताउनुभयो । सरकारले माग पुरा नगरेमा फेरि सशक्त आन्दोलन गर्ने खनालको भनाई छ ।
‘साउन १० गते देशभरका यातायात व्यवसायीको तर्फबाट चावी बुझाउँछौ’ खनालले भन्नुभयो, ‘यतिगर्दा पनि सरकारले माग पुरा नगरे थप आन्दोलनको घोषण गर्नेछौ ।’
व्यवसायीको मागमा मौद्रिक नीतिमा यातायातको समस्यालाई सम्बोधन, स्तरीय २० वर्षे सवारी साधानको म्याद थप, वैज्ञानिक भाडा नीति २०६५ अनुसार याताको भाडा दर समायोजन (पर्यटन यातायातका भाडा निर्धारण, ट्याक्सीको सुरुवाती कल निर्धारण) यातायात बीमा नीति परिमार्जन, सडक कानुन लागू र यातायात बन्दाबन्दीको कागजपत्रको कर, राजस्व र जरिवाना छुट जस्ता माग रहेका छन् ।
वि.सं.२०७८ साउन ७ बिहीवार १३:४९ मा प्रकाशित