back
Mega Long Ad

एलआईसी नेपालले दिएन बीमितलाई बीमा रकम, बीमा समितिमा पर्यो उजुरी (पत्रसहित)

काठमाडौं । लाइफ इन्स्योरेन्स कम्पनीले बीमा रकम नदिए पछि बिमित धर्मराज भण्डारी उजुरी लिएर बिमा समिति पुगेका छन् । भण्डारीले गत मंगलबार कम्पनी विरुद्ध समितिमा उजुरी दिनुभएको छ ।

भण्डारीले दुई वर्ष अगाडि आफ्ना छोरा रौनक भण्डारीको नामबाट लाईफ इन्स्योरेन्स कम्पनीको बीमा पोलिसी खरिद गर्नुभएको थियो । उहाँले १० बर्षे अवधिको ६५ लाख बिमाङ्कको बीमा पोलिसी गरिद गरेको बताउनुभयो । तर, आर्थिक समस्याका कारण बीमा पोलिसी सरेण्डर गर्ने सोच बनाएको उहाँले बताउनुभयो । सरेण्डर लागि उहाँले कम्पनीसँग सुझाव पनि लिनुभएको छ । शुरुमा कम्पनीले सरेण्डरको लागि अनुमति दिए पनि हाल भने सरेण्डर गर्न नमानेको भण्डारीको गुनासो छ ।

भण्डारीले विगत दुई बर्ष नियमित रुपमा बिमाशुल्क भुक्तानी गर्दै आउनु भएको थियो । तर, हाल कोरोना महामारीका कारण बिमाशुल्क भुक्तानी गर्न नसकेको बताउनुभयो । पोलिसी खरिद गर्ने समयमा दुई बर्ष पछि सरेण्डर गर्न सकिने बताएको थिए । तर, अहिले कम्पनीले सरेण्डर गर्नबाट पन्छिएको उहाँले पीडा पोख्नुभयो ।

भण्डारीद्वारा समितिमा दिएको उजुरीमा कोरोनाका कारण व्यवसाय सञ्चालनमा समस्या र आम्दानी कम भएका कारण बीमा शुल्क तिर्न नसकेकाले बीमालेख बन्द गर्न लागिएको उल्लेख छ । यसअघि दुई पटक बीमा शुल्क तिरेको, तेस्रो पटक तिर्ने बेलामा आर्थिक अभावका कारण शुल्क तिर्न नसकेर बन्द गर्न बाध्य भएको उहाँको भनाई छ ।

भण्डारीले बिमा समितिमा दिएको उजुरीका अनुसार उहाँले कम्पनीलाई पटक पटक सरेण्डर गरिदिनु हुन अनुरोध गर्नुभएको थियो । तर, कम्पनीले भने बिमा समितिले नै सरेण्डर गर्न रोक लगाएको जवाफ दिएको उहाँले बताउनुभयो । तर, बीमा समितिले भने नयाँ बिमापोलिसीलाई मात्रै सरेण्डरका लागि रोक लगाएको जानकारी दिएको उहाँले बताउनुभयो । भण्डारीले बिमाशुल्क बापत दुई किस्तामा ६ लाख ६९ हजार ९५० रुपैयाँ कम्पनीलाई बुझाउनु भएको छ ।

बीमा समितिका कार्यकारी निर्देशक तथा प्रवक्ता राजुरमण पौडेलले भने बीमा पोलिसी लेखिएको कुरा नै मान्य हुने बताउनुभयो । यदि पोलिसीमा सरेण्डर गर्न पाउँने व्यवस्था छ भने कम्पनीले सरेण्डरको सुविधा दिनुपर्ने उहाँको भनाई छ । तर, लाईफ इन्स्योेरेन्स कम्पनीले भने यस बिषयमा केही बोल्न चाहेने ।

यस विषयमा जानकारी लिन एलआईसीका कम्पनी सचिव सुदर्शन गिरीलाई सम्पर्क गर्दा आफू बाहिर भएकोले जानकारी नभएको बताउनुभयो । कम्पनीको डेपुटी म्यानेजर तथा सूचना अधिकारी सिर्जना नेपाललाई पटक पटक सम्पर्क गर्दा पनि उहाँसँग सम्पर्क भने हुन सकेन ।


वि.सं.२०७८ साउन ७ बिहीवार १७:४८ मा प्रकाशित

You can share this post!

बैंकमा ह्वात्तै बढ्यो निक्षेप संकलन, कर्जाको माग पनि उस्तै

बैंकमा ह्वात्तै बढ्यो निक्षेप संकलन, कर्जाको माग पनि उस्तै

वि.सं.२०७८ असोज ५ मंगलवार १७:३८

काठमाडौं । वाणिज्य बैंकका निक्षेप संकलन तथा कर्जाको माग निकै...

इसेवा मनि ट्रान्स्फरले ल्यायो दिनदिनै उपहार जित्ने आकर्षक योजना

इसेवा मनि ट्रान्स्फरले ल्यायो दिनदिनै उपहार जित्ने आकर्षक योजना

वि.सं.२०७८ असोज ५ मंगलवार १७:०७

काठमाडौं । इसेवा मनि ट्रान्स्फरले नेपालीहरूको महान चाड दशैँ, तिहार...

जाँचबुझ समितिले बुझायो प्रतिवेदन, जोगिएला त अध्यक्ष ढुंगानाको पद ?

जाँचबुझ समितिले बुझायो प्रतिवेदन, जोगिएला त अध्यक्ष ढुंगानाको पद ?

वि.सं.२०७८ असोज ५ मंगलवार १६:४७

काठमाडौं । नेपाल धितोपत्र बोर्डका अध्यक्ष भिष्मराज ढुंगानामाथि लागेको आरोपको...

मैलुङ खोलाको आईपीओ नेप्सेमा सूचीकृतः भोलिदेखि नै कारोबार हुने, यस्तो छ ओपन रेञ्जको संकेत

मैलुङ खोलाको आईपीओ नेप्सेमा सूचीकृतः भोलिदेखि नै कारोबार हुने, यस्तो छ ओपन रेञ्जको संकेत

वि.सं.२०७८ असोज ५ मंगलवार १६:२३

काठमाडौं । नेपाल स्टक एक्चेञ्ज(नेप्सेमा मैलुङ खोला जलविद्युत कम्पनीको आईपीओ...

भोलिदेखि आउँदैछ ७० करोडको नयाँ आईपीओ, कति र कहिलेसम्म दिने आवेदन ?

भोलिदेखि आउँदैछ ७० करोडको नयाँ आईपीओ, कति र कहिलेसम्म दिने आवेदन ?

वि.सं.२०७८ असोज ५ मंगलवार १५:५७

काठमाडौं । भोलि अर्थात असोज ६ गते बुधवारदेखि साहस उर्जाको...

दुई बैंकसहित चार कम्पनीमा झुम्मिए लगानीकर्ता, कुनको कति कित्ता बिक्री भयो सेयर ?

दुई बैंकसहित चार कम्पनीमा झुम्मिए लगानीकर्ता, कुनको कति कित्ता बिक्री भयो सेयर ?

वि.सं.२०७८ असोज ५ मंगलवार १५:३०

काठमाडौं । साता दोस्रो कारोबार दिन सेयर बजार दोहोरो अंकले...